‘સત્યપ્રેમ કી કથા’ ફિલ્મનું ગરબા ગીત ‘સુન સજની’ લોન્ચ કરાયું
આગામી હિન્દી ફિલ્મ ‘સત્યપ્રેમ કી કથા’ના ગીત ‘સુન સજની’ને નિર્માતાઓએ 21 જૂન, બુધવારે મુંબઈમાં મિડિયાકર્મીઓ સમક્ષ લોન્ચ કર્યું હતું. એ પ્રસંગે ફિલ્મનાં મુખ્ય કલાકારો – કાર્તિક આર્યન અને કિયારા અડવાની-મલ્હોત્રા તથા ફિલ્મનાં કસબીઓ ઉપસ્થિત રહ્યાં હતાં. કાર્તિક અને કિયારાએ સ્ટેજ પર ગીતની ધૂન પર ડાન્સ કર્યો હતો. ‘સુન સજની’ ગીતમાં સ્વર આપ્યો છે મીત બ્રધર્સ, પરંપરા ટંડન અને પીયૂષ મેહરોલિયાએ. સંગીત પીરસ્યું છે મીત બ્રધર્સે અને ગીતકાર છે કુમાર. મ્યુઝિકલ રોમેન્ટિક ડ્રામા ફિલ્મ ‘સત્યપ્રેમ કી કથા’ આવતી 29 જૂને થિયેટરોમાં રિલીઝ કરવામાં આવનાર છે. ફિલ્મના દિગ્દર્શક છે સમીર વિદવાંસ.
