ધોળા તો ગધેડાંયે હોય છે

આપણે મોટા ભાગે ઘઉંવર્ણી અને ક્યારેક શ્યામવર્ણી ચામડી ધરાવતી પ્રજા છીએ. ઘણી વખત સમાજમાં ધોળા રંગને સૌંદર્યની નિશાની માનવામાં આવે છે, પરંતુ રૂપ અને ગુણ બે સંપૂર્ણપણે જુદી બાબતો છે.

ગુણ એ વ્યક્તિની આંતરિક શક્તિ, સંસ્કાર, બુદ્ધિ અને વ્યક્તિત્વનું પ્રતિબિંબ છે, જ્યારે રૂપ માત્ર બહારથી દેખાતો દેખાવ છે.

તેથી, માત્ર ગોરી ચામડી હોવાના કારણે જો કોઈ વ્યક્તિ પોતાને શ્રેષ્ઠ માને અથવા રૂપનું અભિમાન રાખે, પરંતુ તેમાં ગુણ, સંસ્કાર કે બુદ્ધિનો અભાવ હોય, ત્યારે આ કહેવત વપરાય છે.

(ડો. જયનારાયણ વ્યાસ ગુજરાતના જાહેરજીવનનું એક ટોચનું નામ છે. ગુજરાત સરકારમાં કેબિનેટ મંત્રી તરીકે અનેક મહત્વની જવાબદારી સંભાળી ચૂકેલા જયનારાયણભાઇ નિષ્ણાત અર્થશાસ્ત્રી, ટેકનોક્રેટ અને કુશળ વક્તા હોવાની સાથે લોકપ્રિય લેખક પણ છે. ટેલિવિઝન એન્કર તરીકે પણ અર્થપૂર્ણ ચર્ચા યોજે છે. અહીં એ બાળપણમાં મા ના મુખેથી સાંભળેલી જાણીતી કહેવતોનો આસ્વાદ કરાવે છે.)