હું ચાલીસ વરસની પરિણીત યુવતી છુ. મારા લગ્ન અરેન્જડ હતા. બરાબર સત્તરમાં વરસે સગાઇ થઇ ગઈ. મારા 
પતિ વારંવાર મને મળવા આવતા. મને અઢાર વર્ષ પુરા થયા એની પાર્ટી પતિ એટલે એમની સાથે મારો પ્રથમ સંબંધ બંધાયો. કાચી ઉમરમાં બધુ જ સારું લાગે છે. સગાઇ વખતે મારા પપ્પાએ શરત રાખી હતી કે હું ગ્રેજ્યુએટ થઇ જાઉં પછીજ લગ્ન કરવાના. અને બંને પક્ષે એ વાતની મંજુરી પણ મળી હતી. હું હોશિયાર હતી એટલે ફીઝીયોથેરાપીમાં એડ્મિશન મળી ગયું. હું હોસ્ટેલમાં રહેતી. મારા પતિ વારંવાર મળવા આવતા અને સંબંધ બાંધવા દબાણ કરતા. આમેય એમની સાથે જ લગ્ન કરવાના હતા એટલે ક્યારેક હું પણ સંમત થઇ જતી. એક વાર ખબર પડીકે હું માં બનવાની છું. મારા પગ નીચેથી જમીન સરકી ગઈ. મારા પતિ સ્વસ્થ હતા. એમના મમ્મીએ જીદ કરી અને પંદર દિવસમાં તો મારા લગ્ન થઇ ગયા. સાતમાં મહીને બેબી આવી એવું લોકોએ માની લીધું. પણ મને મનમાં રંજ હતો. કોઈ વિધિ પણ સમયસર ન કરી. મારું ભણવાનું અટકી ગયું. અંતે નર્સિંગનો કોર્સ કરીને મન મનાવી લીધું. બંને કામમાં ફેરતો ખરોજ ને?
ગયા અઠવાડિયે મારી દીકરી અઢાર વર્ષની થઇ. એના ચાર પુરુષ મિત્રો જે રીતે એની સાથે વર્તન કરતા હતા એ મને ન ગમ્યું. મારા પતિ સાથે વાત કરીતો એ મારા પર ગુસ્સે થઇ ગયા. મને કહે કે ‘મે જ એને છુટ આપી છે. એની પણ ઉંમર છે. અત્યારે મજા નહિ કરે તો ક્યારે કરશે? અને આ ઉમરમાં આપણે પણ કેવું કરતા હતા?” હું સમજાવવા પ્રયત્ન કરું છુ કે અમારી સગાઇ થઇ ગઈ હતી. મારે એકજ વ્યક્તિ સાથે સંબંધ હતા. અને મારતો સ્વપ્ન એકજ ભૂલમાં રોળાઈ ગયા. પણ એ માનવા તૈયાર નથી. મને તમારા પર ભરોસો છે. કૈક સમાધાન આપો. મારી દીકરી નાસમજ છે. એનું જીવન બરબાદ થઇ જશે.
બહેનશ્રી. તમારી ચિંતા વ્યાજબી છે. સમાજ જે દિશામાં જઈ રહ્યો છે તે સાચે જ ચિંતાજનક છે. મિત્રની કોઈ જાતી નથી હોતી. મિત્ર તો મિત્ર જ હોય છે. પરંતુ એ શબ્દને જાતિવાચક વિચારથી સમજવામાં આવે ત્યાંથી સમસ્યાની શરૂઆત થાય છે. તમારા પતિ નવા જમાનાના છે તેવું તે માને છે. મોર્ડન હોવું એટલે નિયમો તોડવા એવું નથી. પરિવર્તનનો પવન ફૂંકાય ત્યારે ઘણા ઘર વિખેરાઈ જાય છે. તમારા પતિ કહે છેકે દીકરીને ગર્ભ રહી જશે તો તેને એબોર્શન કરાવી દઈશું. કેટલી વાર કરાવશો? પ્રેમ એક સાથે હોય ચાર સાથે નહિ. તમારી દીકરી અન્યને દેખાડવા આ કરે છે એવું તમે માનો છો તે સાચું છે. દીકરી તમારા બંનેની છે. તમે પણ ભણેલા છો. પહેલું તો તમારો અસંતોષ ભૂલી જાવ. બીજું કે તમારી દીકરીના મિત્ર બની જાવ. ભલે શરૂઆતમાં બાપ દીકરી મળીને તમારી મજાક કરે. તમારા અનુભવો સારી રીતે દીકરી સાથે શેર કરો. દીકરીને લાગણી, સ્નેહ, પ્રેમ અને સંબંધોનું મહત્વ સમજાવો. એને જીવતા શીખવાડો. માત્ર ફરિયાદો કરવાથી કે જવાબદારીમાંથી ભાગવાથી તમે કાંઈજ નહિ કરી શકો. અત્યારે તમારા પતિ કેવા છે એ અગત્યનું નથી. તમે કેટલા સફળ માતા છો એ સમજવાનું છે અને સાબિત કરવાનું છે. આ ઉમરમાં બાળકોને એક સાચા મિત્રની જરૂર હોય છે. તમે એ મિત્ર બની જાવ.
હવે આખી સ્થિતિને વાસ્તુના સંદર્ભમાં જોઈએ. લગ્ન પહેલા તમે અગ્નિમાં દક્ષીણ તરફ માથું રાખીને સુતા હતા. ભાઈના લગ્ન થયા એટલે તમે વાયવ્યના રૂમમાં પશ્ચિમ તરફ માથું રાખીને સુવા લાગ્યા. સગાઇ પણ થઇ અને બહાર રહેવાનું પણ થયું. તમારા પતિ નૈરુત્યમાં માથું રાખીને વાયવ્યમાં સુતા હતા. તેથી તેમની શારીરિક ઈચ્છાઓ પ્રબળ હતી. તમારા લગ્ન ધાર્યા કરતા વહેલા થયા. તમારા પતિને અન્ય સ્ત્રીઓ પણ ગમતી. પોતે સાચા હતા કે છે એ સાબિત કરવા એ પોતાની દીકરીને રોકી નથી શકતા. તમારા સંબંધોની અસર દીકરી પર પડી છે. એને આત્મવિશ્વાસ નથી તેથી એક કરતા વધારે મિત્રો રાખે છે કે એક છોડી જાય તો અન્ય તો રહે. બધા સાથે શારીરિક સંબંધો હોય અને એ બધાને આની જાણ હોય ત્યારે એમાંથી એક પણ વફાદાર હશે કે નહિ? એ સવાલ ઉદ્ભવે જ. દીકરીને અગ્નિમાં પૂર્વ તરફ માથું રાખીને સુવરાવો. એને યોગ્ય રીતે ગાયત્રી મંત્ર કરવા કહો. તમે લોકો પૂર્વમાં માથું રાખીને સુવો અને શિવલિંગ પર અભિષેક કરો. બધુજ બરાબર થવા લાગશે.
