અમદાવાદઃ રાજ્યમાં છેલ્લા એક વર્ષમાં નકલી સરકારી ઓફિસ, નકલી પોલીસ, જજ, વકીલ, શિક્ષક, ડોક્ટર, PMO અધિકારી પકડાયા પછી હવે CM ઓફિસમાં કામ કરવાના નામ પર ઠગનાર નકલી CMO અધિકારી ઝડપાયો છે. છેલ્લાં 20 વર્ષથી નકલી CMO અધિકારી CM ઓફિસમાં ફરજ બજાવતો હોવાનું જૂઠાણું ફેલાવીને લોકો સાથે છેતરપિંડી કરતો હતો. નકલી CMO અધિકારી બનીને ફરતો શખસ બારડોલીનો હોવાનું જાણવા મળ્યું હતું. આ મામલે નવસારી રૂરલ પોલીસે આરોપીની ધરપકડ કરીને વધુ તપાસ હાથ ધરી છે. 
સુરતના બારડોલી તાલુકાના મઢી ગામનો નિતેશ ચૌધરી છેલ્લાં 20 વર્ષથી CMOનો નકલી અધિકારી બનીને ફરતો હતો. નિતેશ ચૌધરીએ CMOના અધિકારી તરીકેની ઓળખ આપીને નવસારીના નાયબ કલેક્ટર દેવાંગ ઠાકોર સાથે 23 ઓક્ટોબર, 2024થી 2 જાન્યુઆરી, 2025 સુધી ટેલિફોનિક વાતચીત કરીને અલગ-અલગ કામોની સોંપણી કરી હતી અને કામને લગતી માહિતી પણ માગી હતી. જોકે આ પછી દેવાંગ ઠાકોરે આ મામલે વધુ તપાસ કરી હતી. જેમાં CM ઓફિસમાં આવો કોઈ અધિકારી ન હોવાનું સામે બહાર આવ્યું હતું. ત્યાર બાદ દેવાંગ ઠાકોરે CMOના નકલી અધિકારીની ઓળખ આપનારા નિતેશ ચૌધરી વિરુદ્ધમાં નવસારી રુરલ પોલીસ સ્ટેશનમાં ફરિયાદ નોંધવતાં પોલીસે આરોપીની ધરપકડ કરી હતી.
Watch: In Gujarat’s Navsari, Nitesh Chaudhary was arrested for impersonating a CM office official to extort money and interfere in official matters pic.twitter.com/4a9V5aCacv
— IANS (@ians_india) January 6, 2025
આ મામલે તેમણે જણાવ્યું હતું કે આરોપી સાથે ટેલિફોનિક વાતચીત કરતાં આ ભાંડો ફૂટ્યો હતો. તેણે રૂ. 40 લાખના બદલામાં કામ કરવાનો આદેશ આપ્યો હતો. આરોપી નિતેશે નાયબ કલેક્ટર સાથેની વાતચીતમાં જણાવ્યું હતું કે તેની મુખ્ય કામગીરી CMની મુલાકાતો મેનેજ કરવાનું છે. જ્યારે નાયબ કલેક્ટરે આરોપીને CM સાથે મુલાકાત લેવી હોય તો તમારો સંપર્ક કરાય તેવું પૂછતાં આરોપીએ જણાવ્યું હતું કે તેના સિવાય પણ અન્ય લોકોનો સંપર્ક કરી શકાય.
