મહારાષ્ટ્રના પૂર્વ મંત્રી અને NCP અજીત જૂથના વરિષ્ઠ નેતા બાબા સિદ્દીકીની મુંબઈના બાંદ્રા ઈસ્ટમાં ગોળી મારીને હત્યા કરવામાં આવી હતી. મુંબઈ પોલીસે આ કેસમાં ત્રણ શંકાસ્પદ લોકોની ધરપકડ કરી છે. પકડાયેલ શકમંદ ગેંગસ્ટર લોરેન્સ બિશ્નોઈ ગેંગનો છે. સૂત્રોનું કહેવું છે કે ધરપકડ કરાયેલા શકમંદોએ પોતે જ આ દાવો કર્યો છે. જો કે હજુ સુધી આ હત્યાની જવાબદારી કોઈએ લીધી નથી. બીજી તરફ દિલ્હીના પૂર્વ સીએમ અરવિંદ કેજરીવાલે બાબા સિદ્દીકીની હત્યા પર મોટું નિવેદન આપ્યું છે.
मुम्बई में सरेआम NCP नेता की गोली मारकर हत्या की इस वारदात से ना केवल महाराष्ट्र बल्कि देशभर के लोग ख़ौफ़ज़दा हैं। दिल्ली में भी कमोबेश यही माहौल बना दिया है इन्होंने। ये लोग पूरे देश में गैंगस्टर राज लाना चाहते हैं। जनता को अब इनके ख़िलाफ़ खड़ा होना ही पड़ेगा।
— Arvind Kejriwal (@ArvindKejriwal) October 13, 2024
દિલ્હીના પૂર્વ સીએમ અરવિંદ કેજરીવાલે પોતાની એક્સ પોસ્ટમાં કહ્યું કે મુંબઈમાં NCP નેતા (અજિત જૂથ)ને ગોળી મારી દેવાની આ ઘટનાથી માત્ર મહારાષ્ટ્ર જ નહીં પરંતુ દેશભરના લોકો ડરી ગયા છે. દિલ્હીમાં પણ ઓછાવત્તા અંશે એવું જ વાતાવરણ સર્જાયું છે. આ લોકો સમગ્ર દેશમાં ગેંગસ્ટર શાસન લાવવા માંગે છે. હવે જનતાએ તેમની સામે ઊભા રહેવું પડશે.
‘ગૃહમંત્રી અને ભાજપે આ બાબતને ગંભીરતાથી લેવી જોઈએ’
દિલ્હી સરકારના મંત્રી અને AAP નેતા ગોપાલ રાયે કહ્યું, ‘ગઈકાલની ઘટના ખૂબ જ દર્દનાક છે. મુંબઈ દેશની આર્થિક રાજધાની છે. દિલ્હીમાં છેલ્લા 1-2 મહિનાથી આવી જ ઘટનાઓ સતત વધી રહી છે. દિલ્હી અને મુંબઈ બંનેની કાયદો અને વ્યવસ્થા ભાજપ પાસે છે. મને લાગે છે કે ગૃહમંત્રી અને ભાજપ સરકારે આ બાબતને ગંભીરતાથી લેવી જોઈએ. મુંબઈમાં જે પ્રકારની ઘટના બની છે તેનાથી લોકોમાં ભયનો માહોલ સર્જાયો છે કે આજે કોણ સુરક્ષિત છે? ઉભરી રહેલા નવા ગેંગ સામ્રાજ્ય સામે ગૃહમંત્રીએ પહેલ કરવી જોઈએ.
