ઓસ્ટ્રેલિયા અને દક્ષિણ આફ્રિકા વચ્ચેની 25 ફેબ્રુઆરી, 2025ની મેચ વરસાદને કારણે રદ થઈ ગઈ, જેના પરિણામે બંને ટીમોને 1-1 પોઈન્ટ મળ્યા છે. પરંતુ વરસાદને કારણે આ મેચ સંપૂર્ણપણે ધોવાઈ ગઈ. એક પણ બોલ ફેંકાયા વિના આ મેચ રદ કરવામાં આવી હતી.
આ સાથે જ હવે ચેમ્પિયન્સ ટ્રોફીમાં સેમિફાઇનલમાં પહોંચવા વિવિધ ટીમોનું શું સમીકરણ છે તે જાણીએ. ગ્રુપ A માંથી ભારતીય ટીમ અને ન્યુઝીલેન્ડ સેમિફાઇનલમાં પહોંચી ગયા છે. જ્યારે યજમાન પાકિસ્તાન અને બાંગ્લાદેશ ટૂર્નામેન્ટમાંથી બહાર થઈ ગયા છે. બીજી તરફ, ગ્રુપ B માં, વરસાદને કારણે આ મેચ રદ થતા સેમિફાઇનલ સમીકરણ થોડું ખોરવાઈ ગયું છે. ઓસ્ટ્રેલિયા અને દક્ષિણ આફ્રિકાની મેચ રદ થવાને કારણે બંને ટીમોને 1-1 પોઈન્ટ મળ્યા. આ રીતે બંને ટીમોની પાસે હાલ 3-3 પોઇન્ટ છે. દક્ષિણ આફ્રિકાની ટીમ ગ્રુપ B માં 2.140 ના સારા નેટ રન રેટ સાથે ટોચ પર છે. જ્યારે બીજા સ્થાને રહેલા ઓસ્ટ્રેલિયાનો નેટ રન રેટ 0.475 છે. આ પછી ઇંગ્લેન્ડ અને અફઘાનિસ્તાન છે. બંનેએ અત્યાર સુધી 1-1 મેચ રમી છે અને બંનેને હારનો સામનો કરવો પડ્યો છે. આ મેચ રદ થવાથી ઓસ્ટ્રેલિયન ટીમને થોડો ફાયદો થયો છે. જ્યારે ઈંગ્લેન્ડ અને અફઘાનિસ્તાન માટે ‘કરો યા મરો’ જેવી સ્થિતિ બની ગઈ છે.
ગ્રુપ Bમાં સેમિફાઈનલ માટેની સ્થિતિ નીચે મુજબ છે:
-
ઓસ્ટ્રેલિયા: અફઘાનિસ્તાન સામેની તેમની છેલ્લી મેચ જીતે છે, તો 5 પોઈન્ટ સાથે સેમિફાઈનલ માટે ક્વોલિફાય કરશે.
-
દક્ષિણ આફ્રિકા: ઈંગ્લેન્ડ સામેની તેમની છેલ્લી મેચ જીતવી જરૂરી છે; જીત્યા બાદ તેઓ સેમિફાઈનલમાં પહોંચશે.
-
ઈંગ્લેન્ડ: બાકી રહેલી બંને મેચ—અફઘાનિસ્તાન અને દક્ષિણ આફ્રિકા સામે—જીતવી પડશે. જો તેઓ બંને મેચ જીતે અને ઓસ્ટ્રેલિયા પણ તેની છેલ્લી મેચ જીતે, તો દક્ષિણ આફ્રિકા ટૂર્નામેન્ટમાંથી બહાર થઈ જશે.
-
અફઘાનિસ્તાન: બાકી રહેલી બંને મેચ—ઓસ્ટ્રેલિયા અને ઈંગ્લેન્ડ સામે—જીતે છે, તો 4 પોઈન્ટ સાથે સેમિફાઈનલમાં પ્રવેશ કરશે.
