સલમાન ખાન તેની આગામી ફિલ્મ ‘સિકંદર’ માટે સંપૂર્ણપણે તૈયાર છે. આ ફિલ્મ ઈદના અવસર પર રિલીઝ થવા જઈ રહી છે. આ ફિલ્મમાં તેમની સાથે રશ્મિકા મંદાન્ના પણ છે. ફિલ્મનું ગીત અને ટીઝર પહેલાથી જ રિલીઝ થઈ ચૂક્યું છે.એવામાં ગત રોજ એટલે કે રવિવારે મુંબઈમાં એક ઈવેન્ટમાં ફિલ્મનું ટ્રેલર રિલીઝ કરવામાં આવ્યું હતું. આ ઈવેન્ટમાં સલમાને ખાને તેના અને રશ્મિકાના એજ ગેપ પર વાત કરી હતી.
ઈન્ટરનેટ યુઝર્સ આરોપ લગાવી રહ્યા છે કે અભિનેતા સલમાન ખાન અને અભિનેત્રી રશ્મિકા વચ્ચે 31 વર્ષનો ઉંમર તફાવત છે. રવિવારે ફિલ્મના ટ્રેલર લોન્ચ ઇવેન્ટ દરમિયાન સલમાને આ અંગે પોતાની પ્રતિક્રિયા આપી હતી. ફિલ્મ ટ્રેલર લૉન્ચ ઈવેન્ટમાં સલમાન ખાનના પિતા સલીમ ખાને પણ હાજરી આપી હતી.
સલમાન ખાન દર્શકો પર ગુસ્સે થયો
‘સિકંદર’ના ટ્રેલર લોન્ચ દરમિયાન સલમાન ખાને દર્શકોને કહ્યું કે તેઓને ઉંમરના તફાવત પર ટિપ્પણી કરવાનો કોઈ અધિકાર નથી. ભાઈજાને કહ્યું કે “આજકાલ સોશિયલ મીડિયા પર લોકો મને ફોલો કરવાનું શરૂ કરે છે. હવે લોકો કહી રહ્યા છે કે અભિનેત્રી અને મારી વચ્ચે 31 વર્ષનો ઉંમરનો તફાવત છે. અરે, જ્યારે હિરોઈનને કોઈ પ્રોબ્લમ નથી. હિરોઈનના પિતાને કોઈ વાંધો નથી, તો તમને શા માટે સમસ્યા છે? કાલે જ્યારે તેના લગ્ન થશે, તેના બાળકો થશે તો તેની સાથે પણ કામ કરીશું, મંજૂરી તો મળી જ જશે ને?
સિકંદરનું ટ્રેલર રિલીઝ થયું છે.
રવિવારે ફિલ્મ સિકંદરનું ટ્રેલર રિલીઝ થયું. ટ્રેલર જોઈને લાગે છે કે આ ફિલ્મ સલમાન ખાનની સૌથી મોટી ફિલ્મ બનવા જઈ રહી છે. ટ્રેલરમાં જબરદસ્ત એક્શન છે. આ પહેલા ફિલ્મનું ટીઝર અને ગીત રિલીઝ કરવામાં આવ્યું હતું. ફિલ્મનું ગીત ‘જોહરા જબીન’ લોકોને ખૂબ ગમ્યું.
‘સિકંદર’ ફિલ્મનું દિગ્દર્શન એઆર મુરુગાદોસ દ્વારા કરવામાં આવ્યું છે. આ ફિલ્મના નિર્માતા સાજિદ નડિયાદવાલા છે. આ ફિલ્મમાં સલમાન ખાન, રશ્મિકા મંદાન્ના, કાજલ અગ્રવાલ, પ્રતીક બબ્બર, સત્યરાજ અને શરમન જોશી છે. આ ફિલ્મ 30 માર્ચે સિનેમાઘરોમાં આવશે.
