ડાંડિયા ક્વીન ફાલ્ગુનીની વાત કરીએ તો નવરાત્રી યાદ આવે અને નવરાત્રીની વાત કરીએ તો ફાલ્ગુની પાઠકનો ઉલ્લેખ કરવો જ રહ્યો. હવે તે પોતાના આઇકોનિક ગીતો અને ઝૂમાવનારી ડાંડીયાની ધૂન સાથે રેડિયન્સ દાંડિયા નવરાત્રી ઉત્સવ 2025 માટે તૈયાર છે. આ ઉત્સવનું આયોજન અને પ્રોમોશન પર્પલ બ્લુ ઇવેન્ટ્સ એન્ડ આઇડિયાઝ અને ટ્રાઇબવાઇબ એન્ટરટેઇનમેન્ટ (BookMyShowનો હિસ્સો) દ્વારા કરવામાં આવ્યું છે.
રેડિયન્સ દાંડિયા નવરાત્રી ઉત્સવ 22 સપ્ટેમ્બરથી 1 ઑક્ટોબર, 2025 દરમિયાન મુંબઈના જિયો વર્લ્ડ કન્વેન્શન સેન્ટર, BKC ખાતે યોજાશે. આ ઉત્સવમાં ફાલ્ગુની પાઠકના સૂર પર રમઝટ તો થશે જ સાથે સાથે અહીં શ્રેષ્ઠ સુવિધાઓ સાથે પરંપરા અને ઉત્સાહ ભરેલા વાતાવરણને માણવા મળશે.
આ અંગે ફાલ્ગુની પાઠકે કહ્યું કે, “દર વર્ષે ઉત્સાહ અને પ્રેમ વધતો જાય છે, પણ આ વર્ષે કંઈક ખાસ છે. જિયો વર્લ્ડ કન્વેન્શન સેન્ટર પર મૂવ થવાથી હું મારા ચાહકોને યાદગાર અનુભવ આપી શકીશ ,that’s the plan! ચાલો આ નવરાત્રિને યાદગાર બનાવીએ!”
રેડિયન્સ ડાંડીયાના ફાઉન્ડર અને પર્પલ બ્લુ ઇવેન્ટ્સ એન્ડ આઇડિયાઝના CEO અજય મંત્રીએ કહ્યું કે, “રેડિયન્સ ડાંડીયા એ 2015થી મારો પેશન પ્રોજેક્ટ રહ્યો છે. મુંબઈમાં પહેલો ઇન્ડોર ડાંડીયા ફોર્મેટ લાવવાનો વિચાર અને પરંપરાને નવી રીતે પ્રસ્તુત કરવાનો પ્રયાસ હતો. દર વર્ષે અમે નવી નવી વસ્તુઓ લાવીએ છીએ, પણ તહેવારની ભાવનાને જાળવી રાખીએ છીએ. આ વર્ષે TribeVibe Entertainment સાથે મળીને અમે ફરી એકવાર એ પ્રવૃત્તિમાં આગેવાની લઈ રહ્યા છીએ કે નવી પેઢી માટે નવરાત્રિનો અર્થ શું બની શકે છે.”
TribeVibe Entertainmentના ફાઉન્ડર અને CEO શોવેન શાહે કહ્યું કે,”ફાલ્ગુની પાઠક નવરાત્રી માટે એક પાયાનો સ્તંભ છે. તેમની સાથે કામ કરીને અમે અદભુત અનુભવ મેળવ્યો છે.આના માટે સમીર સતાનો પૂરતો સહયોગ રહ્યો છે એવું તેમણે જણાવ્યું હતું. ફાલ્ગુની પાઠકના ‘ઇંધણા વિનવા’, ‘રાધા કેમ ના જલે’, ‘મૈને પાયલ હૈ છન્કાઈ’ અને ‘ઓઢણી’ જેવા લેજન્ડરી ગીતો પેઢીદરે પેઢી નવરાત્રીના મુખ્ય સંગીત રહ્યા છે,અને 2025 એમાં વધુ મ્યુઝિકલ મેજિક ઉમેરશે.
આ વર્ષે સૌથી ખાસ Attraction એ છે Private Pods, ફાલ્ગુની પાઠકના શોમાં સૌપ્રથમવાર આવી સુવિધા જોવા મળશે. જ્યાં એક ગ્રુપને પોતાની એક અલગ સ્પેસ મળશે. આ ઉત્સવમાં સામેલ થવા માટે BookMyShow પર ટિકિટ ઉપલબ્ધ છે. જેની કિંમત રૂ. 1499 થી શરૂ થાય છે.
