મુંબઈ: બોલિવૂડમાં સ્ટાઈલ ગેમ એક અલગ લેવલ પર ચાલે છે. સ્ટાર્સ ચોક્કસપણે સ્ટાઇલિશ કપડાં સાથે ફેન્સી એક્સેસરીઝ કૅરી કરે છે. ક્યારેક લોકોનું ધ્યાન તેમના પર્સ પર પડે છે તો ક્યારેક તેમના જૂતા પર, જેની કિંમત લાખોમાં હોય છે. વેલ, આજકાલ લોકો આ સ્ટાર્સની સ્ટાઈલને ખૂબ કોપી કરે છે અને જ્યારે નીતા અંબાણીની વાત આવે તો વધુ શું કહી શકાય.નીતા અંબાણીની સ્ટાઈલ કોઈપણ અભિનેત્રી કરતાં ઓછી નથી હોતી. તેમના કપડાથી લઈને તેમના ઘરેણાં સુધી, દરેક વસ્તુ યુનિક હોય છે. ફરી એકવાર તેણે પોતાની આગવી સ્ટાઈલથી લોકોનું ધ્યાન ખેંચ્યું છે. સ્ટાઇલની બાબતમાં જો કોઇ તેની સાથે સ્પર્ધા કરી શક્યું હોય, તો તે નવી OTT સ્ટાર શાલિની પાસી છે, જેણે ફરી એકવાર તેની વિચિત્ર શૈલીથી લોકોનું ધ્યાન ખેંચ્યું છે.
નીતા અંબાણી અને શાલિની પાસી બંને એક ઈવેન્ટમાં સાથે જોવા મળ્યા હતા, જ્યાં બંને ખૂબ જ સ્ટાઇલિશ આઉટફિટ્સમાં જોવા મળ્યા હતા, પરંતુ તેમના આઉટફિટ્સ કરતાં કંઈક બીજી જ ચર્ચા થઈ હતી. જે છે એ બંનેની હેન્ડબેગ. આખી ઈવેન્ટમાં લોકોની નજર ફક્ત તેની બેગ પર જ ટકેલી હતી. બોલિવૂડ સ્ટાર્સથી સજેલી આ ઈવેન્ટમાં દરેક વ્યક્તિ સ્ટાઇલિશ અંદાજમાં જોવા મળી હતી, પરંતુ નીતા અંબાણી અને શાલિની પાસી હેન્ડ બેગ લઈને પહોંચ્યા ત્યારે એ જ બેગ પર લોકોની નજર ટકી રહી. આ ઈવેન્ટમાં કિયારા અડવાણી, કરીના કપૂર અને સુહાના ખાન સહિતના અનેક સ્ટાર્સ જોવા મળ્યા હતાં.
View this post on Instagram
નીતા અંબાણીનો લુક
નીતા અંબાણીએ એકદમ સ્ટાઇલિશ બ્લેક એન્ડ વ્હાઇટ આઉટફિટ પહેર્યુ હતું. તેણે બ્લેક ટ્રાઉઝર સાથે સફેદ ચેક બ્લેઝર પહેર્યું હતું. આ સાથે તેણીએ એક સુંદર નાની બેગ પણ કૅરી કરી હતી. આ બેગ એકદમ અલગ હતી કારણ કે તે બિલકુલ સિનેમા હોલમાં મળતા પોપકોર્ન બકેટ જેવી દેખાતી હતી. આ બ્લેક એન્ડ વ્હાઇટ કલરની બેગમાં પોપિંગ પોપકોર્ન પણ દેખાતા હતા, જે તેના ચમકદાર આઉટફિટને વધુ ક્લાસી બનાવી રહ્યા હતા. આ બેગ નીતા અંબાણીની આખી સ્ટાઇલિંગ ગેમને એક સ્તર ઉપર લઈ ગઈ.
ઈવેન્ટમાં ઈશા અંબાણી પણ ક્લાસી અંદાજમાં પહોંચી હતી. ઈશા પોતાની મમ્મી નીતા અંબાણી સાથે જોવા મળી હતી. તે બ્લેઝર અને પેન્ટમાં ખુબ જ સુંદર દેખાતી હતી.
શાલિની પાસીનો લુક
શાલિની પાસીની સ્ટાઈલ પણ કોઈથી ઓછી નહોતી. શાલિની પાસી પણ હાજર દરેકને કોમ્પિટિશન આપતી હતી, જેમ તે Netflix ના OTT શો ‘Fabulous Lives vs Bollywood Wives’ માં જોવા મળી હતી. આ ઈવેન્ટમાં પણ તેની સ્ટાઈલ ટોપ પર જોવા મળી હતી. પાસ્કો ગ્રુપના માલિક સંજય પાસીની પત્ની શાલિની પાસીએ ગ્રે સાટીન ફિનિશનો ડ્રેપ શોર્ટ ડ્રેસ પહેર્યો હતો. જેની સાથે તેણીએ તેના લાંબા વાળ એક પોનીમાં બાંધ્યા હતા. તેણીએ ઘણી વિચિત્ર જ્વેલરી સાથે એક અનોખી બેગ કેરી કરી હતી. તેની બેગમાં એક એલિયનનું મોં દોરેલું હતું. જો કે, શાલિની તેના OTT શોના પ્રમોશન દરમિયાન ઘણી સ્ટાઇલિશ બેગ સાથે પણ જોવા મળી હતી.
