આજે પ્રધાનમંત્રી નરેન્દ્ર મોદીના વિમાનમાં ટેક્નિકલ ખામી સર્જાવાના સમાચાર છે. જેના કારણે પીએમ મોદીના વિમાનને દેવઘર એરપોર્ટ પર ઈમર્જન્સી લેન્ડિંગ કરવું પડ્યું હતું. આવી સ્થિતિમાં તેમને દિલ્હી પરત ફરવામાં વિલંબ થઈ શકે છે. ઝારખંડમાં ચૂંટણી સભાને સંબોધિત કરવા ગયેલા પ્રધાનમંત્રી નરેન્દ્ર મોદીના વિમાનમાં ટેક્નિકલ ખામીના સમાચાર છે. જેના કારણે પીએમ મોદીના વિમાનને દેવઘર એરપોર્ટ પર ઈમર્જન્સી લેન્ડિંગ કરવું પડ્યું હતું. આવી સ્થિતિમાં તેમને દિલ્હી પરત ફરવામાં વિલંબ થઈ શકે છે.
આ પહેલા કોંગ્રેસ નેતા રાહુલ ગાંધીના વિમાનને દેવઘરમાં જ ટેક ઓફ કરવાની પરવાનગી આપવામાં આવી ન હતી. રાહુલ ગાંધી શુક્રવારે ઝારખંડના ગોડ્ડામાં ચૂંટણી રેલી બાદ દિલ્હી પરત ફરવાના હતા, પરંતુ એવું કહેવામાં આવી રહ્યું છે કે એર ટ્રાફિક કંટ્રોલ (ATC) દ્વારા વિમાનને ગોડ્ડાના બેલબદ્દાથી ઉડવાની પરવાનગી આપવામાં આવી ન હતી. જે બાદ તેમણે દેવઘર એરપોર્ટ પર 45 મિનિટ રાહ જોવી પડી હતી. આ દરમિયાન રાહુલ ગાંધી વિમાનમાં બેસીને પોતાનો મોબાઈલ જોતા રહ્યા. જે બાદ રાહુલ ગાંધીના વિમાનને ટેકઓફ માટે ક્લિયરન્સ ન મળવાને લઈને પણ રાજકારણ શરૂ થઈ ગયું છે. કોંગ્રેસ આરોપ લગાવી રહી છે કે, પીએમ મોદીની સભાને કારણે તેમના વિમાનને ઉડવાની મંજૂરી આપવામાં આવી નથી. બાદમાં કોંગ્રેસના સાંસદ અને લોકસભામાં વિપક્ષના નેતા રાહુલ ગાંધીના વિમાનને મહાગામથી ટેક ઓફ કરવાની મંજૂરી મળી હતી.
આપને જણાવી દઈએ કે, ઝારખંડ ચૂંટણીના બીજા તબક્કામાં 20 નવેમ્બરે 38 સીટો પર મતદાન થવાનું છે. આ તબક્કામાં કુલ 528 ઉમેદવારો મેદાનમાં છે. આમાં ઘણા એવા ઉમેદવારો છે જે મોટા નેતાઓની રમત બગાડી શકે છે. પીએમ નરેન્દ્ર મોદી ત્રણ દિવસમાં બીજી વખત બિહાર આવ્યા છે. શુક્રવારે, તેમણે જમુઈના બલ્લોપુરમાં ભગવાન બિરસા મુંડાની 150મી જન્મજયંતિ પર આદિવાસી ગૌરવ દિવસ કાર્યક્રમમાં ભાગ લીધો હતો. પીએમએ બિરસા મુંડાના નામે 150 રૂપિયાનો સિક્કો અને 5 રૂપિયાની સ્મારક ટપાલ ટિકિટ બહાર પાડી હતી.
