નવી દિલ્હીઃ ઉપરાષ્ટ્રપતિ અને રાજ્યસભાના અધ્યક્ષ જગદીપ ધનખડે આજે સવારે અહીં નવી સંસદભવન ઈમારત ખાતે રાષ્ટ્રીય ધ્વજ ફરકાવ્યો હતો. એમણે ઈમારતના ગજ દ્વાર ઉપર તિરંગો ફરકાવ્યો હતો. આ પ્રસંગે એમની સાથે લોકસભાના અધ્યક્ષ ઓમ બિરલા પણ ઉપસ્થિત હતા.
ધનખડ અને બિરલા, બંને નેતા નવા સંસદભવન ખાતે આવી પહોંચ્યા હતા ત્યારે સીઆરપીએફ પાર્લામેન્ટ ડ્યૂટી કોર્પના જવાનોએ એમને બંદૂક-સલામી આપી હતી.
આ ઈમારત ખાતે આવતીકાલથી સંસદના પાંચ-દિવસીય વિશેષ સત્રનો આરંભ થવાનો છે. સંસદીય પ્રક્રિયાઓ બાજુના જૂના સંસદભવનમાંથી નવા સંસદભવનમાં શિફ્ટ કરવામાં આવશે.
