IPL 2024 ની 8મી મેચમાં સનરાઇઝર્સ હૈદરાબાદે મુંબઇ ઇન્ડિયન્સને 31 રનથી હરાવ્યું. આ મેચમાં હૈદરાબાદે પ્રથમ બેટિંગ કરતા 20 ઓવરમાં 3 વિકેટે 277 રન બનાવ્યા હતા. જવાબમાં મુંબઈની ટીમ 20 ઓવરમાં 246/5 રન જ બનાવી શકી હતી. તિલક વર્માએ મુંબઈ માટે લાંબા સમય સુધી પ્રયાસ કર્યો અને 64 રનની શાનદાર ઈનિંગ પણ રમી, પરંતુ ટીમને વિજય રેખા પાર ન લઈ શક્યા. આ મેચમાં મુંબઈએ ટોસ જીતીને બોલિંગ કરવાનો નિર્ણય લીધો હતો, જે કદાચ મેચમાં તેમના માટે મોટી ભૂલ સાબિત થઈ હતી. પ્રથમ બેટિંગ કરીને હૈદરાબાદે IPLના ઈતિહાસમાં સૌથી વધુ સ્કોર બોર્ડ પર મૂક્યો, જેનો મુંબઈ પીછો કરી શક્યું ન હતું. જો કે મુંબઈના બેટ્સમેનો ટીમને જીત અપાવવા માટે અંત સુધી પ્રયાસ કરતા રહ્યા, પરંતુ જીતી શક્યા ન હતા.
WHAT. A. MATCH! 🔥
Raining sixes and 500 runs scored for the first time ever in #TATAIPL 💥
Hyderabad is treated with an epic encounter 🧡💙👏
Scorecard ▶️ https://t.co/oi6mgyCP5s#SRHvMI pic.twitter.com/hwvWIDGsLh
— IndianPremierLeague (@IPL) March 27, 2024
278 રન એટલે કે IPL ઈતિહાસના સૌથી મોટા ટોટલનો પીછો કરવા ઉતરેલી મુંબઈની ટીમે સારી શરૂઆત કરી. રોહિત શર્મા અને ઈશાન કિશને પ્રથમ વિકેટ માટે 56 (20 બોલ)ની ભાગીદારી કરી હતી. પરંતુ તેનો પહેલો ફટકો ચોથી ઓવરમાં ઈશાનના રૂપમાં લાગ્યો હતો જે 13 બોલમાં 2 ચોગ્ગા અને 4 છગ્ગાની મદદથી 34 રન બનાવીને આઉટ થયો હતો. ત્યારબાદ મુંબઈએ રોહિત શર્માના રૂપમાં બીજી વિકેટ ગુમાવી હતી. જે પાંચમી ઓવરમાં 1 ફોર અને 3 સિક્સરની મદદથી 26 રન (12 બોલ) બનાવીને પેવેલિયન પરત ફર્યો હતો. આ પછી તિલક વર્મા અને નમન ધીરે ત્રીજી વિકેટ માટે 84 રન (37 બોલ)ની ભાગીદારી કરી, જેણે ફરી એકવાર ચાહકોની આશાઓ વધારી. પરંતુ આ ભાગીદારી 11મી ઓવરમાં નમન ધીરની વિકેટ સાથે સમાપ્ત થઈ, જે 2 ચોગ્ગા અને 2 છગ્ગાની મદદથી 30 રન (14 બોલ) બનાવીને આઉટ થયો હતો.
𝙁𝙄𝙍𝙀 ante idi, 𝙗𝙧𝙤 🤩
A match and night that Uppal will 𝗻𝗲𝘃𝗲𝗿 forget 🔥#PlayWithFire #SRHvMI pic.twitter.com/ItMuLo9diK
— SunRisers Hyderabad (@SunRisers) March 27, 2024
આ પછી તિલક વર્મા 15મી ઓવરમાં પેવેલિયન પરત ફર્યો જેણે 34 બોલમાં 2 ચોગ્ગા અને 3 છગ્ગા ફટકારીને 64 રન બનાવ્યા. આ પછી 18મી ઓવરમાં કેપ્ટન હાર્દિક પંડ્યાના રૂપમાં ટીમને પાંચમો ઝટકો લાગ્યો હતો. કેપ્ટન પંડ્યાએ 20 બોલમાં 1 ફોર અને 1 સિક્સર ફટકારીને 24 રન બનાવ્યા હતા. આઉટ થતા પહેલા હાર્દિકે ટિમ ડેવિડ સાથે પાંચમી વિકેટ માટે 42 (23 બોલ)ની ભાગીદારી કરી હતી.
𝗦𝗶𝗺𝗽𝗹𝘆 𝗯𝗿𝗶𝗹𝗹𝗶𝗮𝗻𝘁!
An all time IPL record now belongs to the @SunRisers 🧡
Scocrecard ▶️ https://t.co/oi6mgyCP5s#TATAIPL | #SRHvMI pic.twitter.com/eRQIYsLP5n
— IndianPremierLeague (@IPL) March 27, 2024
હૈદરાબાદે IPLનો સૌથી મોટો સ્કોર બનાવ્યો
સનરાઈઝર્સ હૈદરાબાદે 20 ઓવરમાં બોર્ડ પર 277/3 રન બનાવ્યા, જે આઈપીએલના ઈતિહાસમાં સૌથી વધુ સ્કોર હતો. હેનરિક ક્લાસને ટીમ માટે સૌથી મોટી ઇનિંગ્સ રમી, જેણે 34 બોલમાં 4 ચોગ્ગા અને 7 છગ્ગા સાથે 80* રન બનાવ્યા. આ સિવાય અભિષેક શર્માએ 23 બોલમાં 3 ચોગ્ગા અને 7 છગ્ગાની મદદથી 63 રન બનાવ્યા હતા. ઓપનિંગમાં આવેલા ટ્રેવિસ હેડે 24 બોલમાં 9 ચોગ્ગા અને 3 છગ્ગાની મદદથી 62 રન બનાવ્યા હતા.
