કોરોનાના કારણે વિશ્વ આખું ઠપ્પઃ WHO એ યુવાનોને આપી ચેતવણી

નવી દિલ્હીઃ વિશ્વભરમાં કોરોના વાયરસથી મૃત્યુ પામનારા લોકોની સંખ્યા તેજીથી વધવા લાગી છે. આને જોતા આજે વિશ્વભરમાં કરોડો લોકોના વિકેન્ડની શરુઆત કામબંધી અને ઘરમાં બંધ રહેવા સાથે થઈ છે. યુવાનો પર આ વાયરસની અસરને લઈને વિશ્વ સ્વાસ્થ્ય સંગઠને ગંભીર ચેતવણી આપી છે. ડબલ્યૂએચઓ ચેતવણી આપી છે કે યુવાનો પણ આ બિમારીની ઝપટે આવી જાય તેવી પૂર્ણ આશંકાઓ છે.

આ વૈશ્વિક મહામારીએ આખી દુનિયામાં જનજીવનને પ્રભાવિત કર્યું છે. શાળા અને વ્યાપાર બંધ થઈ ગયા છે અને લાખો લોકો ઘરેથી કામ કરવા માટે મજબૂર બન્યા છે જ્યારે ઘણા લોકોની રોજીરોટી છીનવાઈ ગઈ છે. ભલે અમેરિકાના રાષ્ટ્રપતિ ડોનાલ્ડ ટ્રમ્પે એ વાત પર જોર આપ્યું કે, અમેરિકા વાયરસ વિરુદ્ધ યુદ્ધ જીતી રહ્યું છે પરંતુ અલગ-અલગ રાજ્યોમાં પ્રતિબંધો કડક કરી દેવામાં આવ્યા છે.

ન્યૂયોર્ક, ઈલિનોઈસ અને કેલિફોર્નિયાએ લોકોને તેમના ઘરમાં જ રહેવાના આદેશો આપ્યા છે. વિશ્વભરમાં વાયરસના કારણે મૃતકોની સંખ્યા 11,000 થી પણ વધી ગઈ છે. આમાં 4000 કેસો ઈટલીથી છે કે જ્યાં ખૂબ ભયંકર સ્થિતિ છે. અહીંયા એક સપ્તાહમાં રોજ મૃતકોની સંખ્યા અચાનક વધી ગઈ છે. વાયરસના કારણે વડીલો અને પહેલા અન્ય બિમારીથી પીડાતા લોકો સૌથી વધારે પ્રભાવિત છે.

ડબલ્યૂએચઓના પ્રમુખ તેદરોસ અદહાનોમ ગેબ્રેયસસે કહ્યું છે કે યુવાનો પણ આ બિમારી પ્રત્યે સંવેદનશીલ છે. તેમણે કહ્યું કે હું યુવાનોને સંદેશ આપવા માંગુ છું છે કે, તમે બને તેટલી તકેદારી રાખો કારણ કે આ વાયરસ આપ લોકોને હોસ્પિટલમાં ભરતી કરાવી શકે છે અથવા તો આપનો જીવ પણ લઈ શકે છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]