કોલંબોઃ શ્રીલંકા સરકારે તેની એક મુખ્ય યોજના અંતર્ગત ભારત સહિત સાત દેશોનાં નાગરિકોને મફત ટૂરિસ્ટ વિઝા આપવાનો નિર્ણય લીધો છે. અન્ય દેશો છે – ચીન, રશિયા, મલેશિયા, ઈન્ડોનેશિયા, થાઈલેન્ડ અને જાપાન.
આ સાત દેશોમાંથી આવનાર પર્યટકો માટે વિઝા ફી માફ કરવાના પ્રસ્તાવને શ્રીલંકાના પ્રધાનમંડળે મંજૂરી આપી દીધી છે. આ વર્ષે આર્થિક મંદી વચ્ચે સપ્ટેમ્બર સુધીમાં 10 લાખ જેટલા પર્યટકોએ શ્રીલંકાની મુલાકાત લીધી હતી. આમાં સૌથી વધારે ભારતનાં લોકો હતા – બે લાખથી વધારે. બીજા ક્રમે રશિયા રહ્યું – 1.32 લાખ પર્યટકો સાથે.
