ન્યૂયોર્કઃ કેન્દ્રીય નાણાં પ્રધાન નિર્મલા સીતારામન અમેરિકાની એક અઠવાડિયાની સત્તાવાર મુલાકાત માટે આજે અહીં આવી પહોંચ્યાં છે. એરપોર્ટ ખાતે કોન્સલ જનરલ ઓફ ઈન્ડિયા રણધીર જૈસ્વાલે એમનું સ્વાગત કર્યું હતું.
(તસવીર સૌજન્યઃ @IndiainNewYork)
સીતારામન તથા એમનાં પ્રતિનિધિમંડળનાં સભ્યો ત્યાંથી વોશિંગ્ટન જવા રવાના થયાં હતાં. સીતારામન વર્લ્ડ બેન્ક અને ઈન્ટરનેશનલ મોનેટરી ફંડ (આઈએમએફ)ની મીટિંગોમાં હાજરી આપશે તેમજ G20 દેશોના સમૂહની બેઠકો તેમજ ઈન્વેસ્ટર મીટિંગોમાં પણ હાજરી આપશે. G20 દેશોના નાણાં પ્રધાનો અને કેન્દ્રીય બેન્કોનાં ગવર્નરોની બેઠકમાં એમની સાથે ભારતીય રિઝર્વ બેન્કના ગવર્નર શક્તિકાંત દાસ તથા અન્ય અધિકારીઓ પણ જોડાશે.
