ભારતીય ક્રિકેટ ટીમને ઘરઆંગણે ઇંગ્લેન્ડ સામે પાંચ મેચની T20 શ્રેણી પણ રમવાની છે. આ ટી20 શ્રેણી માટે ભારતીય ટીમની જાહેરાત કરવામાં આવી છે. સૂર્યકુમાર યાદવ ટી20 શ્રેણીમાં ટીમનું નેતૃત્વ કરશે. જ્યારે અક્ષર પટેલને આ શ્રેણી માટે ઉપ-કેપ્ટન બનાવવામાં આવ્યો છે. અનુભવી ઝડપી બોલર મોહમ્મદ શમીને પણ ટીમમાં સામેલ કરવામાં આવ્યો છે. 2023ના ODI વર્લ્ડ કપ પછી શમી ક્રિકેટની બહાર હતો. ઇંગ્લેન્ડે ભારત પ્રવાસ માટે પોતાની ટીમની જાહેરાત પહેલાથી જ કરી દીધી હતી.
A look at the Suryakumar Yadav-led squad for the T20I series against England 🙌#TeamIndia | #INDvENG | @IDFCFIRSTBank pic.twitter.com/nrEs1uWRos
— BCCI (@BCCI) January 11, 2025
જુરેલ-નીતીશ પણ પ્રવેશ્યા, રમણદીપ-પરાગ બહાર
૩૪ વર્ષીય મોહમ્મદ શમી લગભગ ૧૪ મહિના પછી ભારતીય ટીમમાં પાછો ફર્યો છે. 2023ના વર્લ્ડ કપ પછી શમીની સર્જરી થઈ હતી. શમી તેના ડાબા ઘૂંટણમાં સોજાને કારણે તાજેતરના ઓસ્ટ્રેલિયા પ્રવાસમાં પણ રમી શક્યો ન હતો. પસંદગીકારોએ આ T20 શ્રેણી માટે બીજા વિકેટકીપર તરીકે ધ્રુવ જુરેલની પસંદગી કરી છે. જ્યારે સંજુ સેમસન પહેલી પસંદગીના વિકેટકીપર તરીકે ટીમનો ભાગ છે.
🚨 𝗡𝗘𝗪𝗦 🚨
Mohammad Shami returns as India’s squad for T20I series against England announced.
All The Details 🔽 #TeamIndia | #INDvENG | @IDFCFIRSTBank https://t.co/jwI8mMBTqY
— BCCI (@BCCI) January 11, 2025
દક્ષિણ આફ્રિકા પ્રવાસ પર ટી20 ટીમનો ભાગ રહેલા જીતેશ શર્માના સ્થાને ધ્રુવ જુરેલનો સમાવેશ કરવામાં આવ્યો છે. રમણદીપ સિંહના સ્થાને ઓલરાઉન્ડર નીતિશ કુમાર રેડ્ડીને પણ ટીમમાં સામેલ કરવામાં આવ્યો છે. ઓસ્ટ્રેલિયા પ્રવાસને ધ્યાનમાં રાખીને નીતિશ દક્ષિણ આફ્રિકા શ્રેણીમાં ટીમનો ભાગ બની શક્યા નહીં. બીજી તરફ, ઓલરાઉન્ડર શિવમ દુબે પણ ટી20 ટીમમાં સ્થાન બનાવવામાં સફળ રહ્યો ન હતો. બેટિંગ ઓલરાઉન્ડર રિયાન પરાગ ઈજાના કારણે ટીમનો ભાગ બની શક્યો નહીં. જસપ્રીત બુમરાહ, મોહમ્મદ સિરાજ, યશસ્વી જયસ્વાલ જેવા ખેલાડીઓને આરામ આપવામાં આવ્યો છે.
ઇંગ્લેન્ડ સામેની ટી20 શ્રેણી માટે ભારતીય ટીમ: સૂર્યકુમાર યાદવ (કેપ્ટન), સંજુ સેમસન (વિકેટકીપર), અભિષેક શર્મા, તિલક વર્મા, હાર્દિક પંડ્યા, રિંકુ સિંહ, નીતિશ કુમાર રેડ્ડી, અક્ષર પટેલ (ઉપ-કેપ્ટન), હર્ષિત રાણા, અર્શદીપ સિંહ, મોહમ્મદ શમી, વરુણ ચક્રવર્તી, રવિ બિશ્નોઈ, વોશિંગ્ટન સુંદર, ધ્રુવ જુરેલ (વિકેટકીપર)
