રવિવારે રાત્રે IIFA એવોર્ડ્સ 2025 ના વિજેતાઓની સંપૂર્ણ યાદી જાહેર કરવામાં આવી. રવિવારે જયપુરમાં એક ભવ્ય સમારોહમાં IIFA એવોર્ડ્સની રજત જયંતિ આવૃત્તિનું આયોજન કરવામાં આવ્યું હતું. જેમાં બોલિવૂડના મોટા ભાગના સ્ટાર્સ સામેલ થયા હતાં. કરીના કપૂર, કરણ જોહર, કાર્તિક આર્યન જેવા ઘણા સ્ટાર્સ ધૂમ મચાવતા જોવા મળ્યા.
શનિવારે ડિજિટલ એવોર્ડ્સ પછી રવિવારે ફિલ્મ એવોર્ડ્સ આપવામાં આવ્યા, જેમાં ‘લાપતા લેડીઝ’ સૌથી મોટા વિજેતા તરીકે ઉભરી આવ્યું. કિરણ રાવની ફિલ્મે 10 એવોર્ડ જીત્યા. કાર્તિક આર્યન પણ મોટી જીત મેળવી જ્યારે ‘કિલ’ એ પણ અનેક ટ્રોફી જીતી. ગુજરાતી અભિનેત્રી જાનકી બોડીવાલાને પણ શૈતાન ફિલ્મ માટે એવોર્ડ એનાયત કરવામાં આવ્યો. નીચે વિજેતાઓની સંપૂર્ણ યાદી છે, જ્યાં તમે જોઈ શકો છો કે કોને કયો એવોર્ડ મળ્યો.
વિજેતાઓની સંપૂર્ણ યાદી અહીં જુઓ
શ્રેષ્ઠ મુખ્ય ભૂમિકા (પુરુષ) – કાર્તિક આર્યન (ભૂલ ભુલૈયા 3)
શ્રેષ્ઠ મુખ્ય ભૂમિકા (સ્ત્રી) – નિતાંશી ગોયલ (લાપતા લેડીઝ)
શ્રેષ્ઠ દિગ્દર્શન – કિરણ રાવ (લાપતા લેડીઝ)
બેસ્ટ પર્ફોર્મન્સ ઇન અ નેગેટિવ રોલ – રાઘવ જુયાલ (કિલ)
શ્રેષ્ઠ સહાયક ભૂમિકા (સ્ત્રી) – જાનકી બોડીવાલા (શૈતાન)
શ્રેષ્ઠ સહાયક ભૂમિકા (પુરુષ) – રવિ કિશન (લાપતા લેડીઝ)
લોકપ્રિય શ્રેણી (મૂળ)માં શ્રેષ્ઠ વાર્તા – બિપ્લબ ગોસ્વામી (લાપતા લેડીઝ)
શ્રેષ્ઠ વાર્તા (અનુકૂલિત) – શ્રીરામ રાઘવન, અરિજિત બિશ્વાસ, પૂજા લધા સુરતી અને અનુકૃતિ પાંડે (મેરી ક્રિસમસ)
શ્રેષ્ઠ દિગ્દર્શન ડેબ્યુ- કુણાલ ખેમુ (મડગાંવ એક્સપ્રેસ)
શ્રેષ્ઠ ડેબ્યુ એક્ટર(પુરુષ) – લક્ષ્ય લાલવાણી (કિલ)
શ્રેષ્ઠ ડેબ્યુ એક્ટર(સ્ત્રી) – પ્રતિભા રંતા (લાપતા લેડીઝ)
શ્રેષ્ઠ સંગીત નિર્દેશક – રામ સંપથ (લાપતા લેડીઝ)
શ્રેષ્ઠ ગીત – પ્રશાંત પાંડે (સજની, લાપતા લેડીઝ)
શ્રેષ્ઠ ગાયક (પુરુષ) – જુબિન નૌટિયાલ (આર્ટિકલ 370 સે દુઆ)
શ્રેષ્ઠ ગાયિકા (સ્ત્રી) – શ્રેયા ઘોષાલ (ભૂલ ભુલૈયા 3 માંથી અમી જે તોમર 3.0)
શ્રેષ્ઠ સંગીત ડિઝાઇન – સુભાષ સાહુ, બોલોય કુમાર ડોલોઈ, રાહુલ કાર્પે (કિલ)
શ્રેષ્ઠ પટકથા – સ્નેહા દેસાઈ (લાપતા લેડીઝ)
શ્રેષ્ઠ સંવાદ – અર્જુન ધવન, આદિત્ય ધર, આદિત્ય સુહાસ જાંભલે, મોનલ ઠાકર (આર્ટિકલ 370)
શ્રેષ્ઠ સિનેમેટોગ્રાફી – રફી મહેમૂદ (કિલ)
શ્રેષ્ઠ નૃત્ય નિર્દેશન – બોસ્કો-સીઝર (બેડ ન્યૂઝમાંથી તૌબા તૌબા)
શ્રેષ્ઠ સ્પેશિયલ ઇફેક્ટ્સ – રેડ ચિલીઝ વીએફએક્સ (ભૂલ ભુલૈયા ૩)
ભારતીય સિનેમામાં ઉત્કૃષ્ટ સિદ્ધિ – રાકેશ રોશન
IIFA 2025 8 માર્ચે જયપુરમાં શરૂ થયો હતો અને 9 માર્ચે સમાપ્ત થયો હતો. કરીના કપૂર ખાને એવોર્ડ સમારોહમાં પરફોર્મ કર્યું. તેમણે તેમના દાદા, ફિલ્મ નિર્માતા રાજ કપૂરને શ્રદ્ધાંજલિ આપી. તેમની સાથે શાહરૂખ ખાન, માધુરી દીક્ષિત, નોરા ફતેહી અને કાર્તિક આર્યન પણ સ્ટેજ પર જોવા મળ્યા હતા. શાહિદ કપૂર સાથે કરીના કપૂરનો ક્યૂટ પળ પણ વાયરલ થયો. બંનેને સાથે જોઈને ચાહકોને ‘જબ વી મેટ’ ના જૂના દિવસો યાદ આવી ગયા.
