ગાંધીનગર-ગુજરાતભરમાં રસ્તા પર મુક્તપણે ફરતી ગાયોનો મુદ્દો ઉકેલવો દરેક કોર્પોરેશન માટે લગભગ સમસ્યાજનક જ રહ્યો છે. નાગરિકોની બૂમરાણથી ક્યારેક ત્વરિત કાર્યવાહીના ભાગરુપે રસ્તા પરથી ગાયો હટાવવા ઝૂંબેશ પણ કરવામાં આવે છે. ત્યારે આ કાર્યમાં હવે વધુ તેજી આવી શકે છે કારણ કે સાંસદ લીલાધર વાઘેલાને ગાયે અડફેટે લીધાં છે.
મળતી માહિતી મુજબ સાંસદ લીલાધર વાઘેલાને ગાંધીનગરમાં સેક્ટર 21માં આવેલા તેમના ઘરની બહાર જ ગાયે અડફેટે લીધાં હતાં. વાઘેલાને આ કારણે માથામાં ઈજા થઈ હતી અને તેમને સઘન સારવાર માટે ગાંધીનગરની એપોલો હોસ્પિટલમાં દાખલ કરવામાં આવ્યાં છે. લીલાધર વાઘેલાની આઈસીયુમાં સારવાર કરવામાં આવી રહી છે.
