ગાંધીનગરઃ ગુજરાત વિધાનસભા વિરોધ પક્ષના નેતા પરેશ ધાનાણી અને પ્રદેશ પ્રમુખ અમિત ચાવડા ગુજરાત વિધાનસભા ગૃહમાં બજેટ સ્પીચ વખતે જ ગેરહાજર જણાયા હતા. ગુજરાતના નાયબ મુખ્યપ્રધાને આ મુદ્દે ગૃહમાં ધ્યાન દોર્યું ત્યારે વિધાનસભા કોંગ્રેસ પક્ષના ઉપનેતાએ જાહેર કર્યું હતું કે, બંને નેતા દિલ્હી રવાના થયા છે. સૂત્રોએ કહ્યું કે, કોંગ્રેસમાં ચાલી રહેલા આંતરિક ડખા-ઘર્ષણ વચ્ચે તાડબતોબ દિલ્હી હાઈકમાન્ડનું તેડું આવતાં તેઓ દિલ્હી રવાના થયા હતા.
ગુજરાત કોંગ્રેસની નેતાગીરી પરેશ ધાનાણી અને અમિત ચાવડાથી હાઈકમાન્ડ ભારોભાર નારાજ છે. આંતરિક ડખાનું સમાધાન ના થતાં હાઈકમાન્ડ પણ લોકસભાની સામી ચૂંટણીએ મૂંઝવણમાં મુકાયું છે. બંને નેતાઓ બજેટ વખતે જ દિલ્હી દોડયા હતા.
