અમદાવાદ- નાણાંપ્રધાન નિતીન પટેલે બજેટ રજૂ કર્યું છે, જેમાં બજેટની જોગવાઈ વાંચ્યા પછી છેલ્લે ખ ભાગનું વાંચન કર્યું હતું. જે મુજબ ઔદ્યોગિત એકમોના વીજકરમાં વધારો કર્યો અને સ્ટેમ્પ ડ્યૂટીના દરમાં વધારો કર્યો,
તેમ જ 20,000થી વધુ વિવાદી પડતર કેસો માટે નવી સમાધાન યોજના જાહેર કરી છે.
– સ્વ ઉત્પાદિત કેપ્ટિવ વીજ વપરાશ કરતાં ઔદ્યોગિક એકમો પાસેથી લેવાતા વીજ કર યુનિટ દીઠ 55 પૈસાથી વધારીને 70 પૈસા કરાયો
– વીજકરના વધારાથી રાજ્યને વધુ રૂપિયા 270 કરોડની આવક થશે
– સોગંદનામા અને નોટરીના લખાણના લેખો માટે સ્ટેમ્પ ડ્યૂટી 20 રૂપિયાથી વધારીને રૂપિયા 50 કરાઈ
– દત્તકપત્ર, લગ્ન નોંધણી અને ભાગીદારી લેખને લગતા સ્ટેમ્પ ડ્યૂટી દર રૂપિયા 100થી વધારીને 200 કરાયા
– ફિક્સ રકમવાળા લેખો ઉપર સ્ટેમ્પ ડ્યૂટી દર રૂપિયા 100થી વધારીને રૂપિયા 300 કરાયો
– સ્ટેમ્પ ડ્યૂટીના વધારાથી વાર્ષિક રૂપિયા 160 કરોડની આવક થશે
– વેચાણ વેરો, વેટ, મોટર સ્પીરીટ ટેક્સ, એન્ટ્રી ટેક્સ, સુગરકેન પરચેઝ ટેક્સ અને કેન્દ્રીય વેચાણ વેરાના રૂપિયા
20,000થી વધુ પડતર કેસ છે.
આ પડતર કેસો માટે રાજ્ય સરકારે સમાધાન યોજના જાહેર કરી છે. જેમાં વ્યાજ અને દંડની જોગવાઈમાં રાહતો 
અપાશે.
બજેટ રજૂ થયા પછી વીજ કર અને સ્ટેમ્પ ડ્યૂટીના વધારા પછી વર્ષ 2019-20ને અંતે બજેટની એકંદરે પુરાંત રૂપિયા 572.12 કરોડ રહેવાનો અદાંજ મુકાયો છે.
