અમદાવાદઃ ગુજરાત ચેમ્બર ઓફ કોમર્સ એન્ડ ઈન્ડસ્ટ્રીની બિઝનેસ વુમન કમિટીના સભ્યોએ હાલમાં જ આદરણીય રાષ્ટ્રપતિ શ્રીમતી દ્રૌપદી મુર્મુ સાથે મુલાકાત કરી હતી.
ચેરપર્સન કાજલ પટેલ, ઈવેન્ટ હેડ આશા વધાસિયા, પ્રાચી પટવારી અને અન્ય બિઝનેસ વુમન કમિટીના સભ્યોએ આ મુલાકાતમાં ભાગ લીધો હતો.
શ્રીમતી મુર્મુએ પોતાના જીવનની પ્રેરણાદાયી યાત્રા અને પ્રસંગો સભ્યો સાથે શેર કર્યા તેમ જ કમિટીના દરેક સભ્યોએ સંબંધિત કાર્યક્ષેત્રમાં આપેલા યોગદાન અને સમર્પણની પ્રશંસા કરી હતી, આ ઉપરાંત વિવિધ વિષયો પર વાર્તાલાપ કરવામાં આવ્યો હતો. બિઝનેસ વુમન કમિટીના સભ્યો માટે આ એક યાદગાર અનુભવ હતો.
