ગુજરાત રાજ્યની સુરક્ષાને લઈ દેશમાં ડંકો વાગે છે, પરંતુ એજ ગાંધીના ગુજરાતમાં મહિલાઓની સુરક્ષા લઈ થતા દાવા ખાલી પોકાર સાબીત થઈ રહ્યા છે. ગતરોજ દેશમાં બંધારણીય દિવસની ઉજવણી થઈ અને આજે ગુજરાતને સરમાવે એવી ખુણે ખુણામાંથી સમચારો પ્રકાશમાં આવ્યા છે. રાજ્યમાં આજે એક જ દિવસમાં ત્રણ અલગ-અલગ દુષ્કર્મની ઘટના બની છે. જેમાં પહેલી ઘટના અમરેલીના વડીયામાં બની, તો બીજી ઘટના અમદાવાદના વાસણા વિસ્તારમાં બની અને ત્રીજી ઘટના અમદાવાદના સાબરમતી વિસ્તારમાં બની છે, આ ત્રણેય ઘટનાઓમાં પોલીસે ફરિયાદ નોંધીને કાર્યવાહી હાથધરી છે.
અમરેલીમાં 21 વર્ષીય યુવતી પર સામૂહિક દુષ્કર્મની ઘટના બની છે,જેમાં લગ્નની લાલચ આપી 4 શખ્સોએ દુષ્કર્મ આચર્યુ હોવાની વાત સામે આવી છે,વડીયાના કુકાવાવમાં આ ઘટના બની હોવાની વાત સામે આવી છે,વડીયા પોલીસ મથકમાં દુષ્કર્મનો ગુનો નોંધાયો છે જેમાં પોલીસે ગુનો નોંધીને આરોપીઓને શોધવાની કવાયત હાથધરી છે. અમદાવાદના વાસણા વિસ્તારમાં દુષ્કર્મની ઘટના બની છે જેમાં 12 વર્ષની સગીરા સાથે દુષ્કર્મ થયું હોવાની વાત સામે આવી છે,સગીરાની માતા સાથે આરોપીએ મૈત્રીકરાર કર્યો હતો અને ત્યારબાદ આરોપીએ સગીરા પર નજર બગાડી હતી અને સમય જોઈને સગીરાનો ફાયદો ઉઠાવ્યો હતો,આ સમગ્ર ઘટનામાં સગીરાએ તેના પિતાને જાણ કરતા તેમના પગ પણ જમીન પરથી સરકી ગયા હતા,તો વાસણા પોલીસે આરોપીની અટકાયત કરી હતી. અમદાવાદના સાબરમતી વિસ્તારમાં 14 વર્ષીય સગીરા પર દુષ્કર્મની ઘટના બની હતી,જેમાં પાડોશી યુવકે સગીરા પર દુષ્કર્મ આચર્યુ છે.બીજી તરફ સાબરમતી પોલીસ મથકે ફરિયાદ નોંધાઈ છે,રસોઈના બહાને સગીરાને ઘરે બોલાવી અને ત્યારબાદ તેની પર દુષ્કર્મ આચરવામાં આવ્યું છે.આરોપીએ સગીરા સાથે દુષ્કર્મ બાદ તેની બદનામી કરી હતી અને સગીરા અને તેની બહેનને મારી નાખવાની ધમકી આપી હતી.પોલીસે આરોપીની ધરપકડ કરીને વધુ તપાસ હાથધરી છે.
