‘ગુજકોસ્ટ’ માસિકનું લોકાર્પણ

અમદાવાદઃ રાજ્ય સરકારના વિજ્ઞાન અને ટેકનોલોજી વિભાગના સચિવ હરિત શુક્લા દ્વારા ‘ગુજકોસ્ટ’ માસિકનું પ્રથમ સંસ્કરણ લોન્ચ કરવામાં આવ્યું છે. રાજ્યમાં વિજ્ઞાનની લોકપ્રિયતા અને ઉપલબ્ધ તકોથી સંબંધિત માહિતીના પ્રસાર માટે ‘ગુજકોસ્ટ’ ડી.એસ.ટી. દ્વારા આયોજિત અને તેમના સમર્થન સાથે જાગૃતિ અને પ્રવૃત્તિને ફેલાવવાની આ પહેલ કરી છે.

આ માસિકની સંપૂર્ણ રચના ગુજકોસ્ટના સલાહકાર ડો. નરોત્તમ સાહોના માર્ગદર્શન અને નેતૃત્વ હેઠળ કરવામાં આવી હતી. આ માસિક દર મહિને ડિજિટલ ફોર્મેટમાં પ્રકાશિત કરવામાં આવશે અને ‘ગુજકોસ્ટ’ વેબસાઇટમાંથી મળી શકશે અને તેના વ્યાપક ફેલાવા માટે સોશિયલ મિડિયા હેન્ડલ પર પણ મૂકવામાં આવશે.

‘ગુજકોસ્ટ’ સતત “વિજ્ઞાનમાં રોકાણ, ભવિષ્યમાં રોકાણ”ના લક્ષ્યને હાસંલ કરવા માટે કાર્યરત છે. આ માસિક એ દિશામાં વધુ એક પગલું આગળ છે. તે બધાને તક પૂરી પાડે છે જેઓ તેનાથી વંચિત રહી ગયા છે. આ ઈ-બુક ‘ગુજકોસ્ટ’ વેબસાઇટ એટલે કે https://gujcost.gujarat.gov.in/ પર મફત ઉપલબ્ધ છે.

 

 

 

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]