વડોદરા: ગુજરાતમાં અપાર ઉત્સાહ સાથે નવરાત્રિનો મહોત્સવ ઊજવાઈ રહ્યો છે. વડોદરા શહેરમાં મા દુર્ગાના તહેવાર પર સગીરા દીકરીને નરાધર્મ પોતાની હવસનો સીકાર બનાવ્યાના સમાચાર મળી રહ્યા છે. બીજા નોરતાની મોડીરાત્રે ભાયલી વિસ્તારમાં ગેંગરેપ ઘટના બનતાં સનસનાટી મચી ગઈ છે. તાલુકા પોલીસે ફરિયાદના આધારે કાર્યવાહી હાથ ધરી છે. પોલીસને ઘટનાસ્થળ પાસેથી તૂટેલાં ચશ્માં અને ઝાંઝર મળ્યાં છે, જે પોલીસે કબજે કરી હવસખોરોની શોધખોળ હાથ ધરી છે.
સૂત્રો પાસેથી મળતી માહિતી અનુસાર ગઈકાલે મોડીરાત્રે દુષ્કર્મની ઘટના બની હતી. પીડિતાના પિતાએ ફરિયાદ નોંધાવી છે. પીડિતા તેના બાળપણના મિત્રને રાત્રે 11.30 વાગ્યે મળી હતી. ત્યાંથી ભેગા થઈને બન્ને ભાયલી વિસ્તારમાં સનસિટી સોસાયટી છે એની આજુબાજુમાં વાત કરવા માટે ગયા હતા. 12 વાગ્યાના અરસામાં પાંચેય શખસે પહેલા અભદ્ર શબ્દોમાં વાત કરી હતી, જેનો પ્રતિકાર પીડિતા અને તેનો મિત્ર કરતા નરાધર્મ સૃષ્ટી વિરુધ્ધનું કાર્યુ હતું. ઉલ્લેખનીય છે કે પીડિતા અને તેના મિત્રને આરોપીઓના ચહેરા ઓળખી શક્યા નથી, પણ તેની વાતની શૈલી કેવી હતી, શરીરનો બાંધો કેવો હતો એ અમને જણાવ્યું છે. આ ઉપરાંત ગરબા સાથે આ ઘટનાને કોઈ સંબંધ નથી.
પીડિતાના પિતાની ફરિયાદના આધારે તપાસ શરૂ કરવામાં આવી છે. પીડિતાનો મિત્ર ધોરણ 11માં અભ્યાસ કરે છે. આરોપીઓને ઝડપી પાડવા માટે જિલ્લા પોલીસતંત્રની એલસીબી, એસઓજી તેમજ શહેર પોલીસતંત્રની ટીમ મળી 5 ટીમ કામે લગાડી દેવામાં આવી છે.
