આલિયા ભટ્ટે પોતાની એક ફેન માટે બનાવી કેક…

મુંબઈઃ આલિયા ભટ્ટ બોલિવુડમાં પોતાનું એક અલગ જ સ્થાન બનાવી ચૂકી છે. હિન્દીમાં ફિલ્મો પસંદ કરતા લોકો પૈકી કોઈ આલિયાને પસંદ ન કરતું હોય તેવું કદાચ જ બને. તેની ફેન ફોલોઈંગનું લિસ્ટ મોટું છે. તેની એક્ટિંગની આગવી શૈલીની સાથે તેના સ્વીટ નેચરને પણ લોકો પસંદ કરે છે. તાજેતરમાં તેણે પોતાની એક ફેન માટે કેક બનાવી હતી.

એક્ટ્રેસ આલિયા ભટ્ટ પહેલા પણ પોતાની કુકિંગ સ્કિલ્સ બતાવી ચૂકી છે. તેણે રણબીર કપૂરના બર્થડે પર પણ કેક બનાવી હતી. હવે આ વખતે આલિયાએ પોતાની એક ફેન માટે કેક બનાવી છે અને એપણ તેના બર્થડે પર.

હકીકતમાં અર્જુન કપૂરની બહેન અંશુલા કપૂરનું ફેનકાઈન્ડ નામનું એક ચેરિટી ઈનીશિએટિવ છે. આની સાથે ઘણા સેલેબ્સ જોડાયેલા છે જેમાં આલિયાનો પણ સમાવેશ થાય છે. અંશુલાના આ ઈનીશિએટિવમાં ડોનેટ કરનારા ફેન્સને તેમના મનપસંદ એક્ટર તરફથી કંઈક સરપ્રાઈઝ આપવામાં આવે છે.

આ ઈનીશિએટિવ સાથે સારા અલી ખાન અને કાર્તિક આર્યન પણ જોડાયેલા છે. કાર્તિક પોતાના ફેન સાથે અપકમિંગ ફિલ્મ “લવ આજ કલ” ના ગીત પર ડાન્સ કરશે અને તેમના પેજ પર દેખાશે.

તો સારા અલી ખાનના ફેન્સ તેમની સાથે તેમની ફિલ્મ “લવ આજ કલ” તેના રિલીઝ પહેલા જોઈ શકે છે. આ ઈનીશિએટિવની વિગતો અંશુલાએ પોતાના ઈન્સ્ટાગ્રામ પેજ પર આપી છે.