મુંબઈઃ BSE SME પર વધુ બે કંપનીઓ લિસ્ટ થતાં લિસ્ટેડ કંપનીઓની સંખ્યા 430 થઈ છે. કમાન્ડ પોલિમર્સ લિમિટેડ પશ્ચિમ બંગાળના પરગણામાં રજિસ્ટર્ડ છે. કંપનીએ રૂ.10ની મૂળ કિંમતના 25.32 લાખ ઈક્વિટી શેર, શેરદીઠ રૂ.28ની કિંમતે ઓફર કર્યા હતા. કંપનીનો પબ્લિક ઇશ્યુ 21 માર્ચે સંપન્ન થયો હતો. કંપની પોલિમર્સ આધારિત પ્રોડક્ટ્સનું ઉત્પાદન અને વેચાણ કરે છે, જેમાં પોલિથિન એલએફ ટ્યૂબ્સ, તાડપત્રી શીટ્સ, પોલિયેસ્ટર ફેબ્રિક્સ અને અન્ય પોલિમર્સનો સમાવેશ થાય છે.
દેવ વેન્ચર્સ લિમિટેડ ગુજરાતના ભાવનગરમાં રજિસ્ટર્ડ કંપની છે, જે માત્ર નેચરલ ડાયમંડ્સનું પ્રોસેસિંગ કરે છે. કંપનીએ ઓછા વેસ્ટેજ સાથે પોલિશ્ડ હીરાનું વધુ ઉત્પાદન આપવામાં એક્સપર્ટ છે. કંપનીએ રૂ.10ની મૂળ કિંમતના 22 લાખ ઈક્વિટી શેર્સ રૂ. 51ની કિંમતે ઓફર કર્યા હતા. કંપનીનો ઈશ્યુ 21 માર્ચ, 2023એ સંપન્ન થયો હતો.
