મ્યુ ફંડ પોર્ટફોલિયો સુરક્ષિત આ રીતે રાખી શકાય

નવી દિલ્હીઃ કોરોના વાઇરસને કારણે વિશ્વભરમાં લોકડાઉનની સ્થિતિ છે. લોકડાઉનને લીધે અર્થતંત્રને ખરેખર કેટલું નુકસાન એ કોઈ જણતું નથી. દુનિયાઆખીની હાલત જોઈને રોકાણકારો મૂંઝવણમાં મુકાઈ ગયા છે. આવામાં મ્યુચ્યુઅલ ફંડના રોકાણકારો કે જેમણે ડેટ ફંડ(બોન્ડ)માં રોકાણ કર્યું છે, તેઓ કઈ રીતે બાકાત રહી શકે.

ક્રેડિટ રિસ્ક

નાના વેપાર-ધંધાવાળા પાસે રોકડની ખેંચ હોય છે, જેમાં આ લોકડાઉને બહુ નકારાત્મક અસર કરી છે. જોકે મોટા કોર્પોરેટમાં આ રોગચાળાન લીધે થયેલા નુકસાન સહન કરવાની ક્ષમતા છે. જો નવું મૂડીરોકાણ કરવાનું વિચારો છો તો એવાં ફંડોથી અંતર રાખી શકાય છે, જ્યાં ક્રેડિટ રિસ્ક વધુ છે.

બોન્ડની મજબૂતી જોવી જરૂરી

કેટલાંક ફંડોએ AT1 બોન્ડમાં રોકાણ કર્યું હતું, જેને લઈને પાછલાં કેટલાંક સપ્તાહોથી ગભરાટનો માહોલ ઊભો થયો છે. યસ બેન્કે આ બોન્ડને માંડી વાળ્યાં હતાં. યસ બેન્કના મામલે એટલું તો જરૂર નક્કી થઈ ગયું કે રેટિંગ એજન્સીને આધારે બોન્ડની મજબૂતીને સંપૂર્ણ રીતે આકલનના કરી શકે.

ઈક્વિટી ફંડોમાં ઘણું નુકસાન

જે રોકાણકારોએ પોતાના પોર્ટફોલિયોમાં ઈક્વિટી અને ડેટ-બંનેને સામેલ કર્યા હતા, તેમનાં ફંડમાં જબરદસ્ત ઘટાડો આવ્યો છે. ઈક્વિટી ફંડ પાછલા બે મહિનામાં ઉચ્ચતમ સ્તરથી આશરે 40 ટકા ઘટી ગયાં છે. એનો એ અર્થ એ થયો કે રોકાણમાં ઈક્વિટીનો જો હિસ્સો હશે, એની વેલ્યુ આ વર્ષના મહત્તમ સ્તરથી અડધી થઈ ગઈ છે. શેરબજાર મંદીના સંકજામાં સપડાયું છે, ત્યારે રોકાણકારોને વધુ રાહ જોવી પડે એમ છે.  

બોન્ડ ડ્યુરેશન રિસ્ક

વર્ષ 2016માં નોટબંધી પછી લોંગ ટર્મ બોન્ડ (10 વર્ષ)ના યિલ્ડમાં ભારે ઘટાડો જોવા મળ્યો હતો. 10 વર્ષના સરકારી બોન્ડનું યિલ્ડ ,પ્ટેમ્બર, 2018માં 8.18 ટકા હતું, જે ડિસેમ્બર, 2019મા 7.22 ટકા પર આવી ગયું હતું. નિષ્ણાતોના જણાવ્યા મુજબ અત્યારની સ્થિતિમાં રોકાણકારોએ 2-3 વર્ષના શોર્ટ ટર્મ બોન્ડમાં રોકાણ કરવું જોઈએ.

લિક્વિડિટી રિસ્ક

રિઝર્વ બેન્કે 2008-09ની ક્રાઇસિસમાં નોટિસ કર્યું હતું કે ડેટ ફંડમાં બહુ ઝડપથી પૈસા નીકળી રહ્યા છે. જ્યાં સુધી રિઝર્વ બેન્ક કંઈ પગલું લે એ પહેલાં ડેટ ફંડમાંથી રૂ. 50,000 કરોડ નીકળી ગયા હતા. હાલ લિક્વિડિટી ક્રાઇસિસને બચાવવા માટે રિઝર્વ બેન્ક રેપો રેટમાં કાપ મૂકી રહી છે. હાલ દેશમાં ડેટ મ્યુચ્યુઅલ ફંડનું કદ રૂ. 14 લાખ કરોડે પહોંચ્યું છે. રોકાણકારોએ યાદ રાખવું જોઈએ કે ડેટ ફંડોને મોટી બેન્કોનો ટેકો હોય.

 

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]