નવી દિલ્હીઃ દેશનાં બાળકોને રમવાનાં રમકડાંની હવે વિદેશોમાં પણ ખૂબ માગ છે. સંસદમાં માહિતી આપવામાં આવી હતી કે વર્ષ 2018-19માં રમકડાંની નિકાસ 203.46 મિલિયન ડોલરથી 60 ટકા વધીને વર્ષ 2022-23માં 325.72 મિલિયન ડોલરે પહોંચી છે, જ્યારે આયાત વર્ષ 2018-19માં 371.69 મિલિયન ડોલરથી 57 ટકા ઘટીને વર્ષ 2022માં 158.70 મિલિયન ડોલરની થઈ છે. આમ ભારતીય રમકડાં બજાર ઝડપથી વિકાસ કરી રહ્યું છે અને આયાત પરની નિર્ભરતામાં ઘટાડો થઈ રહ્યો છે. 
વાણિજ્ય અને ઉદ્યોગ વિભાગના રાજ્ય કક્ષાના પ્રધાન સોમ પ્રકાશે તાજેતરમાં સંસદને માહિતી આપતાં જણાવ્યું હતું કે સરકારે લીધેલાં વિવિધ પગલાંને કારણે ભારતીય બજારમાં આયાતી રમકડાંની માત્રા ઘટી રહી છે. સરકારે આ ક્ષેત્રે જે પગલાં લીધાં છે, એનું પરિણામ છે કે ભારતીય બદારમાં રમકડાંની આયાતામાં સતત ઘટાડો થઈ રહ્યો છે. જાન્યુઆરી, 1991થી 31 જુલાઈ, 2023 સુધી મંત્રાલય હેઠળ નોંધાયેલા એકમોની સંખ્યા 1,10,525 છે. આમ રમકડાં ઉદ્યોગ ઝડપથી ગ્રોથ કરી કર્યો છે. 
ઓપન નેટવર્ક ફોર ડિજિટલ કોમર્સ (ONDC) પરના એક સવાલના જવાબમાં વાણિજ્ય અને ઉદ્યોગપ્રધાન પીયૂષ ગોયલે જણાવ્યું હતું કે ONDCએ રમકડાંની ઓળખ કરીને અને એમને આ ફીલ્ડમાં વેચાણાર્થે વધારવા માટે સરકાર દ્વારા ફિટ ઓન સ્ટ્રીટ (FOS) પ્રોગ્રામ શરૂ કર્યો છે. આ નેટવર્ક સ્પર્ધકને ટેકો આપવા માટે 90 FOS સંસાધનોને સામેલ કર્યાં છે.
