મુંબઈઃ વૈશ્વિક ક્રીપ્ટોકરન્સી માર્કેટમાં વૃદ્ધિ શરૂ થઈ છે. માર્કેટના બેન્ચમાર્ક – આઇસી15ના ઘટકોમાંથી યુનિસ્વોપ, પોલકાડોટ, અવાલાંશ અને શિબા ઇનુ બેથી પાંચ ટકાની રેન્જમાં વધ્યા હતા. કાર્ડાનો, સોલાના અને ઈથેરિયમમાં બે ટકા સુધીનો ઘટાડો થયો હતો.
બેન્ક ઓફ થાઇલેન્ડનું પોતાના રિટેલ સીબીડીસી (સેન્ટ્રલ બેન્ક ડિજિટલ કરન્સી)ના ત્રણ પેમેન્ટ સર્વિસ પ્રોવાઇડર સાથેના પ્રયોગમાં 10,000 સહભાગીઓને આવરી લેવાનું લક્ષ્ય છે. જે. પી. મોર્ગનના રિસર્ચ રિપોર્ટમાં કહેવામાં આવ્યું છે કે અમેરિકામાં ક્રીપ્ટોકરન્સી માટે સર્વાંગી નિયમન લાવવાની અને સિક્યોરિટીઝ એક્સચેન્જ કમિશનની જવાબદારીઓ નિશ્ચિત કરવાની આવશ્યકતા છે.
અગાઉ, 3.0 વર્સે લોન્ચ કરેલો વિશ્વનો સર્વપ્રથમ ક્રીપ્ટો ઇન્ડેક્સ – આઇસી15 મંગળવારે બપોરે ચાર વાગ્યે પૂરા થયેલા ચોવીસ કલાકમાં 0.32 ટકા (117 પોઇન્ટ) વધીને 36,662 પોઇન્ટ બંધ રહ્યો હતો. ઇન્ડેક્સ 36,545 ખૂલીને 36,767ની ઉપલી અને 36,231 પોઇન્ટની નીચલી સપાટીએ ગયો હતો.
