મુંબઈ: અંગૂરી ભાભીના પાત્રથી દરેક ઘરમાં પોતાનું નામ બનાવનારી અભિનેત્રી શિલ્પા શિંદે હાલમાં સ્ટંટ આધારિત રિયાલિટી શો ‘ખતરો કે ખિલાડી 14’માં જોવા મળી રહી છે. શિલ્પા તેના સ્પષ્ટ નિવેદનો માટે પણ ચાહકોમાં ખૂબ જ લોકપ્રિય છે. આ દરમિયાન અભિનેત્રીએ ઈન્ડસ્ટ્રી સાથે જોડાયેલો એક મોટો ખુલાસો કરીને બધાને ચોંકાવી દીધા છે. શિલ્પા શિંદેએ હિન્દી ફિલ્મ નિર્માતા પર યૌન શોષણનો ગંભીર આરોપ લગાવ્યો છે.
શિલ્પા શિંદેએ ન્યૂઝ 18 શોષા સાથેની એક મુલાકાતમાં દાવો કર્યો હતો કે તેની કારકિર્દીના પ્રારંભિક તબક્કામાં તેને ઓડિશનની આડમાં ફિલ્મ નિર્માતાઓને આકર્ષવા માટે કહેવામાં આવ્યું હતું. જસ્ટિસ હેમા કમિટીના રિપોર્ટ જાહેર થયા બાદ ઘણા કલાકારોએ જાતીય સતામણી અને હુમલાના તેમના અનુભવો શેર કર્યા પછી આ ઘટસ્ફોટ થયો છે.
શિલ્પા શિંદેએ 1998-99ની આસપાસ તેના સંઘર્ષના દિવસો દરમિયાન બનેલી ઘટના વિશે વિગતવાર વાત કરી. તેણીને ચોક્કસ કપડાં પહેરવા અને એક દ્રશ્ય કરવા માટે સૂચના આપવામાં આવી હતી જેમાં તેણીએ ફિલ્મ નિર્માતાને લલચાવવાના હતા. શિંદેએ કહ્યું, તે વ્યક્તિએ મારા પર દબાણ કરવાનો પ્રયાસ કર્યો અને હું ખૂબ ડરી ગઈ. હું તેને ધક્કો મારીને બહાર ભાગી ગઈ.
અભિનેત્રીએ ઉમેર્યું, સિક્યોરિટી સ્ટાફને સમજાયું કે શું થયું છે અને મને તરત જ ત્યાંથી જવાનું કહ્યું. તેમના આરોપોની ગંભીરતા હોવા છતાં શિંદેએ ફિલ્મ નિર્માતાની ઓળખ જાહેર ન કરવાનો નિર્ણય કર્યો. પોતાના નિર્ણય વિશે જણાવતા તેણે કહ્યું, તે હિન્દી ફિલ્મ ઈન્ડસ્ટ્રીમાંથી હતો. હું આ સીન કરવા માટે સંમત થઈ કારણ કે તે એક અભિનેતા પણ હતો.
શિલ્પાએ કહ્યું,’હું ખોટું નથી બોલી રહી, પરંતુ હું તેનું નામ નથી લઈ શકતી. તેમના બાળકો કદાચ મારાથી થોડા નાના છે, અને જો હું તેમનું નામ લઉં તો તેઓને પણ દુઃખ થાય. થોડા વર્ષો પછી હું તેને ફરીથી મળી અને તેણે મારી સાથે પ્રેમથી વાત કરી. તેણે મને ઓળખી નહોતી અને મને ફિલ્મમાં રોલ ઓફર પણ કર્યો હતો. મેં તેમને ના પાડી. શિલ્પાએ કબૂલ્યું કે આ બધું દરેક સાથે થાય છે. અમે અભિનેતા તરીકે તેના વિશે વાત કરીએ છીએ,અન્ય લોકોએ મને કહ્યું છે કે આવું પ્રસિદ્ધ સેલિબ્રિટી સાથે પણ થાય છે, તે પણ સમાન પરિસ્થિતિઓનો સામનો કરે છે.
