શિયાળામાં માર્કેટમાં ઘણાં સ્વાસ્થ્યવર્ધક ખાદ્યપદાર્થ બજારમાં આવે છે, જે આપણાં સ્વાસ્થ્ય માટે ઉપયોગી બની શકે છે. આજે અમે તમને આવા જ કેટલાક ફૂડ્સ વિશે જણાવીએ છીએ જે શિયાળાની ઠંડીથી બચાવવા સાથે તમને સ્વાસ્થ્ય માટે ઘણાં ફાયદાઓ પણ આપી શકે છે.
ખોરાકની દ્રષ્ટિએ શિયાળો ખૂબ મહત્ત્વનો હોય છે, કારણ કે શિયાળામાં આપણે વધારે વસ્તુઓ ખાઈએ છીએ તે આપણા શરીરને ઊર્જા આપે છે. શિયાળામાં લોકો પોતાને ઠંડકથી બચાવવા માટે ગરમ કપડાંનો ઉપયોગ કરે છે, પરંતુ ઠંડક સામે લડવા માટે શરીરની અંદર આંતરિક ગરમી હોવી જ જોઇએ. આવા ખોરાકમાં બાજરી, બદામ, આદુ, મધ, મગફળી અને વધુ કેટલીક ચીજો છે. જો શરીરનું તાપમાન અંદરથી જાતે જળવાશે તો શરદી ઓછી થશે અને ઘણાં રોગોથી બચી શકાશે. આ જ કારણ છે કે ઠંડીમાં આહાર પર વિશેષ ધ્યાન આપવાનું આયુર્વેદમાં ખૂબ મહત્વ આપવામાં આવ્યું છે.
1. બદામઃ બદામ ઘણાં ગુણોથી સમૃદ્ધ છે. તેનું નિયમિત સેવન અનેક રોગોથી બચવામાં મદદરુપ થઈ શકે છે. ઘણી વાર એવું માનવામાં આવે છે કે બદામ ખાવાથી યાદશક્તિમાં વધારો થાય છે, પરંતુ આ ડ્રાયફ્રૂટ અનેક રોગો સામે લડવામાં પણ મદદરૂપ થઈ શકે છે. તેના ઉપયોગથી કબજિયાત દૂર કરી શકાય છે, જે શિયાળાની સૌથી મોટી સમસ્યા છે. બદામમાં ડાયાબિટીઝને નિયંત્રણમાં રાખવાનો ગુણ પણ છે. તેમાં વિટામિન-ઇ પુષ્કળ પ્રમાણમાં હોય છે.
2. આદુઃ શું તમે જાણો છો કે રોજિંદા આહારમાં આદુનો સમાવેશ કરવાથી ઘણી નાનીમોટી બીમારીઓથી બચી શકાય છે. શિયાળામાં કોઈ પણ રીતે તેનું સેવન કરવાથી સ્વાસ્થ્ય માટે ઘણાં ફાયદા થઈ શકે છે. તે શરીરને હૂંફ પ્રદાન કરે છે અને પાચનને પણ યોગ્ય રાખે છે.
3. બાજરીઃ કેટલાક અનાજ શરીરને સૌથી વધુ ગરમી આપે છે. બાજરી એક એવું અનાજ છે. શિયાળામાં બાજરીનો રોટલો બનાવો અને ખાઓ. નાના બાળકોએ બાજરીનો રોટલો ચોક્કસપણે ખાવો જોઈએ. તેમાં ઘણાં તંદુરસ્ત ગુણધર્મો પણ છે. અન્ય અનાજની તુલનામાં બાજરીમાં પ્રોટીનનું પ્રમાણ સૌથી વધુ છે. તેમાં તે બધા ગુણો છે, જે આરોગ્યને યોગ્ય રાખે છે. બાજરીમાં મેગ્નેશિયમ, કેલ્શિયમ, મેંગેનીઝ, ટ્રિપ્ટોફેન, ફાઈબર, વિટામિન-બી, એન્ટીઓકિસડન્ટો વગેરે શરીરને આવશ્યક તત્વો હોય છે.
4. મધઃ શરીરને સ્વસ્થ અને શક્તિશાળી રાખવા માટે આયુર્વેદમાં મધને અમૃત માનવામાં આવ્યું છે. બધી ઋતુમાં મધનું સેવન ફાયદાકારક છે, પરંતુ શિયાળામાં મધને મહત્વપૂર્ણ ગણી શકાય. આ દિવસોમાં ચોક્કસપણે તમારા આહારમાં મધનો સમાવેશ કરો. તેથી પાચનમાં સુધારો થશે અને રોગપ્રતિકારક શક્તિ પણ વધશે.
5. ઓમેગા 3 ફેટી એસિડઃ ઓમેગા -3 ફેટી એસિડ્સ શિયાળામાં શ્રેષ્ઠ ખોરાક છે. તે મુખ્યત્વે માછલીઓમાં જોવા મળે છે. માંસાહારીઓ માટે શિયાળાના દિવસોમાં માછલીઓ ખાવી, તે શરીરને હૂંફ આપે છે. તેમાં ઝીંક પુષ્કળ પ્રમાણમાં હોય છે. તેથી તે શરીરની પ્રતિરક્ષા વધારે છે અને રોગોને દૂર રાખવામાં મદદરૂપ થઈ શકે છે.
6. મગફળીઃ મગફળીમાં હાજર એન્ટી ઓકિસડન્ટ, વિટામિન, ખનીજો વગેરે અત્યંત ફાયદાકારક છે. શિયાળામાં મગફળીનું સેવન કરવાથી તમે ઘણાં આરોગ્ય લાભ મેળવી શકો છો. તેને તમારા આહારમાં શામેલ કરો.
7. શાકભાજીઃ તમારા આહારમાં લીલાં શાકભાજીનો સમાવેશ ચોક્કસ કરો. શાકભાજી શરીરની પ્રતિકારશક્તિને વધારે છે. શિયાળામાં મેથી, ગાજર, બીટ, પાલક, લસણ ખાઓ. તેની રોગપ્રતિકારક શક્તિ શરીરને મજબૂત બનાવે છે.
8. તલઃ શિયાળામાં તલ ખાવાથી શરીરમાં શક્તિ મળે છે. તલના તેલની માલિશ કરવાથી શરદીથી બચી શકાય છે. તલ અને માખણનો ઉકાળો બનાવી પીવાથી ઉધરસ સંચિત કફ દૂર થઈ શકે છે. તલમાં ઘણા પોષક તત્વો જોવા મળે છે, જેમ કે પ્રોટીન, કેલ્શિયમ, બી કોમ્પ્લેક્સ અને કાર્બોહાઇડ્રેટ.
