કોઈમ્બતુરના કારી મોટર સ્પીડવે રેસટ્રેક (ફોર્મ્યુલા 3 ઓટો રેસિંગ સર્કિટ) ખાતે 13 ડિસેમ્બર, રવિવારે યોજાઈ ગયેલી 23મી FMSCI રાષ્ટ્રીય રેસિંગ ચેમ્પિયનશિપમાં ચેન્નાઈનો અશ્વિન દત્તા (ડાર્ક ડોન રેસિંગ) અને કોટ્ટાયમનો અમિર સઈદ (એમસ્પોર્ટ) છવાઈ ગયા હતા. બંનેએ બબ્બે રેસ જીતી હતી. 14 લેપ્સની રેસ-1માં દત્તા 19:28.450 સમય સાથે પહેલો આવ્યો હતો. રેસ-2માં દત્તા 21:30.683 સાથે પહેલો આવ્યો હતો. 10-લેપ્સની રેસ-1માં અમિર સઈદ 18:24.277 સાથે પહેલો આવ્યો હતો અને રેસ-2માં 14:54.496 સમય સાથે પહેલો આવ્યો હતો. એમસ્પોર્ટની મીરા એર્ડાને બેસ્ટ મહિલા પરફોર્મર ઘોષિત કરવામાં આવી હતી.
