નવરાત્રી પર્વનો અંત આવ્યો દશેરાના તહેવાર સાથે. દશેરાની સવાર એટલે ગુજરાત અને ગુજરાતની બહાર વસતા સ્વાદના રસિયા ગુજરાતીઓને મન જલેબી-ફાફડાનો મસ્ત અને Must નાસ્તો. હંમેશની માફક 8 ઓક્ટોબર, મંગળવારે પણ અમદાવાદમાં લોકોએ કરોડો રૂપિયાના ફાફડા-જલેબી આરોગ્યાં. સાથે્ પપૈયાની ચટણી પણ... ઠેરઠેર ફરસાણની દુકાનોમાં અને રસ્તાઓ પર તેલ-ઘીમાં ફાફડા-જલેબી બનતાં જોવામાં આવ્યા હતા. અને ફાફડા-જલેબી બનાવવાની તૈયારીઓ ગઈ વહેલી સવારે 3-4 વાગ્યાથી જ શરૂ કરી દેવામાં આવી હતી.
