મુંબઈના બોરીવલી (વેસ્ટ) ઉપનગરમાં કોરા કેન્દ્ર સ્થિત ખાદી ગ્રામોદ્યોગ કેન્દ્રમાં રાષ્ટ્રધ્વજ તૈયાર કરવામાં આવ્યા છે. 25 જાન્યુઆરી, સોમવારે કાર્યકરો ખાદીના કાપડમાંથી બનાવેલા તિરંગાનું નિરીક્ષણ કરી રહ્યા છે કે એ બધી રીતે બરાબર બનાવાયો છે કે નહીં. 26 જાન્યુઆરીએ દેશના 72મા પ્રજાસત્તાક દિવસે ફરકાવવા માટે આ કેન્દ્ર ખાતે આવા અનેક તિરંગા બનાવવામાં આવ્યા છે. રાષ્ટ્રધ્વજ એ દેશના સાર્વભૌમત્વ અને સ્વતંત્રતાનું પ્રતીક ગણાય છે. રાષ્ટ્રીય કે રાજકીય પ્રસંગે રાષ્ટ્રધ્વજ ફરકાવવાનો હોય તો એ રેશમી હાથવણાટની ખાદીના કાપડનો જ બનાવેલો હોવો જોઈએ. ગમે તે વ્યક્તિને ખાદીનો તિરંગો બનાવવાની પરવાનગી હોતી નથી. કર્ણાટક ખાદી ગ્રામોદ્યોગ સંયુક્ત સંઘ અને તેના કેન્દ્રો ખાતે જ આવા રાષ્ટ્રધ્વજ બનાવવાનો અને સપ્લાય કરવાનો અધિકાર છે. (તસવીરોઃ દીપક ધુરી)
