કેન્દ્ર સરકારે પૂર્વ રાષ્ટ્રપતિ પ્રણવ મુખર્જીનું સ્મારક બનાવવાનો આદેશ આપ્યો છે. તેમની પુત્રી શર્મિષ્ઠા મુખર્જીએ આ નિર્ણય માટે કેન્દ્ર સરકાર અને પીએમ મોદીનો આભાર વ્યક્ત કર્યો છે. આ દરમિયાન તેઓ વડાપ્રધાન નરેન્દ્ર મોદીને મળ્યા હતા. શર્મિષ્ઠા મુખર્જીએ પીએમ સાથેની તેમની મુલાકાતની તસવીરો ઈન્સ્ટાગ્રામ પર પોસ્ટ કરી છે. તેમણે લખ્યું, માનનીય વડાપ્રધાનને મળ્યા. મારા બાબાનું સ્મારક બનાવવાના નિર્ણય માટે પીએમ નરેન્દ્ર મોદી જી અને તેમની સરકારનો હૃદયપૂર્વક આભાર.
Called on Hon’ble PM @narendramodi ji to express thanks & gratitude from core of my heart 4 his govts’ decision 2 create a memorial 4 baba. It’s more cherished considering that we didn’t ask for it. Immensely touched by this unexpected but truly gracious gesture by PM🙏 1/2 pic.twitter.com/IRHON7r5Tk
— Sharmistha Mukherjee (@Sharmistha_GK) January 7, 2025
શર્મિષ્ઠા મુખર્જીએ કહ્યું, અમે આની માંગણી કરી ન હતી પરંતુ તેમ છતાં આ નિર્ણય લેવામાં આવ્યો. હું વડાપ્રધાનના આ અણધાર્યા પરંતુ દયાળુ હાવભાવથી ખૂબ જ અભિભૂત છું. તેમણે લખ્યું, બાબા કહેતા હતા કે રાજ્ય સન્માન ન માંગવું જોઈએ, આપવું જોઈએ. હું ખૂબ આભારી છું કે પીએમ મોદીએ બાબાની યાદમાં આ કર્યું. બાબાને કોઈ વાંધો નથી કે તે ક્યાં વખાણ કે ટીકાથી પર છે. પરંતુ તેની પુત્રી માટે આ ખુશી વ્યક્ત કરવા માટે કોઈ શબ્દો નથી.
