લોકસભા ચૂંટણીની તારીખોની જાહેરાત સાથે જ પીએમ મોદી સહિત અન્ય તમામ વિપક્ષી પાર્ટીઓએ પણ તૈયારીઓ શરૂ કરી દીધી છે. રેલીઓનો દોર ચાલુ છે. ગઈકાલે ઈન્ડિયા એલાયન્સે મુંબઈમાં રેલી યોજી હતી જ્યારે પીએમ મોદી 120 કલાકના દક્ષિણ વિજય અભિયાન પર છે. ભાજપ 400 પાર કરવાના સ્લોગનને પૂર્ણ કરવા માટે તમામ શક્ય પ્રયાસો કરી રહી છે. 400 પાર કરવાનું સૂત્ર ત્યારે જ સાકાર થશે જ્યારે ભાજપ દક્ષિણનો કિલ્લો પણ જીતી લેશે. તેમાં ખાસ કરીને તમિલનાડુ, આંધ્રપ્રદેશ અને કેરળનો સમાવેશ થાય છે.
ભાજપ આ રાજ્યોમાં સીટો વધારવાનો પ્રયાસ કરી રહી છે તો જ 400ને પાર કરવાનું મિશન પૂર્ણ થશે. ભાજપ આ રાજ્યોમાં સીટો વધારવાનો પ્રયાસ કરી રહી છે તો જ 400ને પાર કરવાનું મિશન પૂર્ણ થશે. આ વખતે ભાજપને આ ત્રણેય રાજ્યોમાં ખાતા ખોલવાની આશા છે. આ માટે પીએમ મોદીએ પૂરા પ્રયાસો કર્યા છે અને છેલ્લા 77 દિવસોમાંથી તેમણે 23 દિવસ દક્ષિણના રાજ્યોમાં વિતાવ્યા છે.
આંકડાઓ શું કહે છે?
જો આંકડાઓ પર નજર કરીએ તો દક્ષિણના રાજ્યોમાં લોકસભાની 129 બેઠકો છે. જેમાંથી 2019માં ભાજપે માત્ર 29 બેઠકો જીતી હતી જ્યારે વિપક્ષે 100 બેઠકો જીતી હતી. કર્ણાટકમાં ભાજપનું પ્રદર્શન સારું રહ્યું હતું, જ્યાં તેણે 28માંથી 25 બેઠકો જીતી હતી. તેણે તેલંગાણામાં પણ સારું પ્રદર્શન કર્યું અને 17માંથી 4 બેઠકો જીતી. પરંતુ તમિલનાડુ, આંધ્રપ્રદેશ અને કેરળમાં બીજેપીનું ખાતું ખૂલ્યું ન હતું.
પીએમ મોદી મિશન સાઉથ પર
આ વખતે પીએમ મોદી પોતે દક્ષિણના ત્રણ રાજ્યો જીતવા માટે 120 કલાકના મિશન પર છે. પીએમ મોદીએ શુક્રવારે આ મિશનની શરૂઆત કરી હતી. તેમણે રવિવારે આંધ્ર પ્રદેશના પલાનાડુમાં તેમની પ્રથમ રેલી યોજી હતી. આજે તેમની બીજી રેલી તેલંગાણાના જગતિયાલમાં યોજાઈ હતી. થોડા સમય પહેલા તેણે કર્ણાટકના શિવમોગામાં રેલી કરી હતી. તેમનો ચોથો કાર્યક્રમ કોઈમ્બતુરમાં છે જ્યાં તેઓ આજે સાંજે રોડ શો કરવાના છે. આવતીકાલે તેઓ કેરળના પલક્કડમાં રોડ શો કરશે. આ પછી તેમની છઠ્ઠી રેલી તમિલનાડુના સાલેમમાં યોજાશે. આ હાઈ-પ્રોફાઈલ રેલીઓ પરથી સમજી શકાય છે કે દક્ષિણમાં ભાજપની જીત સુનિશ્ચિત કરવા માટે તેઓ કેટલી શક્તિ લગાવી રહ્યા છે.
