તમારા વાળને કોઈ એક્સપર્ટની જેમ બ્લો ડ્રાય કરતા શીખો

વાળને બ્લો-ડ્રાઈંગ કરવા માટેની અમુક ટિપ્સઃ

* સાવ સસ્તું બ્લો ડ્રાયર સારું કામ કરી આપશે એવું વિચારીને તે ખરીદવું એ તમારી સૌથી મોટી ભૂલ હશે. સ્માર્ટ ડ્રાયર્સ ખરીદવા માટે તમારે વધારે પૈસા ચૂકવવા પડે એ વાત ખરી, પણ એમાં વાળની સંભાળ લે એવા ઘણાં ફીચર્સ હોય છે જેમ કે, હાઈ પાવર, અનેક હીટ સેટિંગ્સ, કૂલ શોટ અને અદ્યતન એર ટેેક્નોલોજી. હીટ ડેમેજ પર તમારે સંપૂર્ણ અંકુશ મેળવવાનો છે.

* તમે તમારા ભીનાં વાળને લાંબા સમય સુધી ટુવાલમાં વીંટીને રાખો છો. પણ વધારે સારો આઈડિયા એ રહેશે કે તમે જ્યારે કપડાં પહેરીને તૈયાર થતા હો ત્યારે તમારા વાળને હવાથી જ સૂકાવા દો અને પછી બ્લો-ડ્રાઈંગ પ્રક્રિયા શરૂ કરો. ટુવાલ કાઢીને અમુક સેકંડમાં જ બ્લો-ડ્રાયર વાપરવાથી તમારા વાળ ખરવાની સમસ્યા વધી જશે, કારણ કે વાળના મૂળ ભીના હોય ત્યારે એ ખરવાનું જોખમ વધારે હોય છે.

* વિશ્વસનીય હીટ-પ્રોટેક્ટન્ટ સ્પ્રેની મદદ સાથે હીટ ડેમેજને શક્ય એટલું ઘટાડી શકાય. અમારી સલાહ આ વાપરવાની છેઃ Wella Professionals EIMI Thermal Image Heat Protection Spray, Schwarzkopf Gliss Hair Repair Cares and Protects Total Repair Heat Protection Spray, L’Occitane Heat-Protective Control Mist.

* તમે કદાચ ખોટું બ્રશ વાપરતા હો એવું બને. ભરાવદાર અને બાઉન્સી લુક માટે ગોળ બ્રશ લેવું. બરછટ, ફ્રિઝી વાળ માટે બોઅર-બ્રિસલ બ્રશ ઉત્તમ રહેશે.

* સતત ફેરવતા રહેવું બહુ જરૂરી હોય છે જેથી વધારે બ્લોઆઉટ અને  ઓછા હીટ ડેમેજ વચ્ચે સંતુલન જળવાઈ રહે. નોઝલને લાંબો સમય સુધી એક જ જગ્યાએ મૂકી રાખવું નહીં. બ્રશના એક લાંબા રાઉન્ડને બદલે બે વધુ રાઉન્ડ કરવું સારું.

* જો તમારા વાળ જાડા હોય તો તમને કદાચ આ કામ આકરું લાગશે. તમારા વાળને યોગ્ય રીતે સેક્શનિંગ કરવું ખૂબ મહત્ત્વનું છે. એટલું યાદ રાખો કે સેક્શન્સ જેટલા નાના હશે એટલું બ્લોઆઉટ વધારે સારી રીતે થઈ શકશે. તમારા વાળમાં દાંતિયો ફેરવો જેથી ગૂંચ વળી ગઈ હોય તો નીકળી જાય અને પછી વ્યવસ્થિત રીતે વ્યક્તિગત સેક્શન્સ બનાવો. એને બરાબર પકડી રાખવા માટે હેર ક્લિપ્સનો ઉપયોગ કરો.