જે લોકો સમયનું મહત્વ જાણે છે તેઓ કાયમ કહેતા આવ્યા છે કે, એક મિનિટ એટલે કે, ફક્ત 60 સેકન્ડ પણ કેટલી કિંમતી હોય છે. તમે આ ક્યારેક અનુભવ્યું પણ હશે. જેમ કે, એક મિનિટમાં બસ, ટ્રેન, પ્લેનમાં બેસવાનું ચૂકી જાઓ છો ત્યારે. આ સિવાય ઘણાં કિસ્સામાં આવું બનતું હોય છે. આજના ડિજિટલ યુગમાં ઈન્ટરનેટની વાત કરીએ તો, 1 મિનિટમાં ઈન્ટરનેટની દુનિયામાં કેટકેટલું બની જતું હોય છે, અપલોડ્સ, ઈ મેઈલ, મેસેજિસ, વેબ સાઈટ જોવી, આવી કેટ કેટલી પ્રવૃત્તીઓ એક મિનિટમાં બની જતી હોય છે.
| ઓફિસથી ઘરે જવામાં મોડુ થયું હોય અને તેમ બસ કે ટ્રેનમાં મુસાફરી નથી કરવા ઈચ્છતા તો બસ તમારા સ્માર્ટફોનમાં રહેલી એપની મદદથી ટેક્સી બોલાવી લો….
ઘરે જમવાનું બનાવવાની ઈચ્છા નથી? તો પરેશાન થવાની જરુર નથી. બસ તમારા સ્માર્ટફોન પર આંગળીઓ ફેરવો અને તમારુ મનભાવતું ભોજન તમારા ઘરે ડિલિવરી થઈ જશે….. ટ્રાવેલિંગમાં કંટાળો આવી રહ્યો છે? તમારો સ્માર્ટ ફોન ઉઠાવો અને જુઓ નવી સીરીઝ, જેની આજકાલ દરેક જગ્યાએ ચર્ચા છે…. |
હવે આપણે આપણા ફોન સાથે કનેક્ટેડ રહેવા ઉપરાંત પણ ઘણા બધા કામો માટે ઉપયોગ કરીએ છીએ અને આ બધું શક્ય બન્યું છે ઈન્ટરનેટના કારણે. માર્કેટિંગ પ્રોફેશનલ સુદર્શન સેનગુપ્તાનું કહે છે કે, મારી મોટાભાગની જરૂરીયાતોને પૂર્ણ કરવા માત્ર મારો સ્માર્ટફોન જ કાફી છે. ઓનલાઈન શોપિંગ હોય, ટ્રાવેલ બુકિંગ હોય, કોઈ માહિતી મેળવવી હોય, કે પછી એ બધુ જેની મેં કલ્પના કરી હોય એ તમામ વસ્તુઓ માટે મારા ફોનનો ઉપયોગ કરું છું. ઈન્ટરનેટે ખરેખર ફોનની સંભાવનાઓને નવા સ્તરેથી પરિભાષિત કરી છે. પછી એ મનોરંજન હોય, હરતા ફરતા ઈમેલ ચેક કરવા હોય, કે પછી તમે કોઈ પણ વસ્તુની જાણકારી મેળવવા માગતા હોવ, ઈન્ટરનેટની સુવીધા વાળો સ્માર્ટફોન આજના જમાનાનું એક શક્તિશાળી યંત્ર બની ગયું છે.
સતત બદલાતી રહેતી ઈન્ટરનેટની દુનિયાની સાથે તાલમેલ મેળવવા માટે ટેલીકોમ કંપનીઓ પણ તેમના નેટવર્કમાં સતત ફેરફાર કરી રહી છે. જેમકે, અત્યારે ભારતમાં 4જી ઈન્ટરનેટના કારણે મોબાઈલ ફોન ઉપયોગની તમામ સીમાઓ પાર થઈ ગઈ છે. તમે ચાલુ ટ્રેનમાં ભીડભાડ વચ્ચે એચડી વિડિયો સ્ટ્રીમિંગ કરી શકો છો. ટુંકમાં મોબાઈલમાં ઈન્ટરનેટની મદદથી તમે આ બધુ એકદમ સરળતાથી કરી શકો છો.
સોશિયલ મીડિયા ઈન્ફ્લુએન્સર વિવેક તેઝુઝા, જેમના ટ્વિટર પર 26 હજારથી પણ વધુ ફોલોઅર્સ છે, એ કહે છે કે, મને દરેક સમયે મારા ફોલોઅર્સ સાથે જોડાયેલુ રહેવું પસંદ છે. ખાસ કરીને જ્યારે હું ટ્રાવેલિંગ કરું છું ત્યારે.
ઈન્ટરનેટે ટ્રાવેલિંગ વગર પણ આપણા માટે એવા અનેક દરવાજા ખોલ્યા છે જ્યાં આપણે ઘણુ બધુ કરી શકીએ છીએ. આજે તમે જ્યાં ફરવા જવા માગતા હોવ ત્યાં જતાં પહેલા જ સરળતાથી એ સ્થળની સંપૂર્ણ જાણકારી મેળવી શકો છો. જો તમને કોઈ ટ્રિપ દરમ્યાન એડવેન્ચરનો મૂડ બની જાય અને તમારા ફોનમાં ઈન્ટરનેટ હોય તો સમજી લો કે વાત બની ગઈ. ઈન્ટરનેટને કારણે ગ્લોબલ ટૂરિઝમને પણ વેગ મળ્યો છે. ઈન્ટરનેટ હવે આપણી લાઈફસ્ટાઈલનો એક મહત્વનો હિસ્સો બની ચૂક્યું છે. જોવાનું રહેશે કે, આગામી 30 વર્ષોમાં આ ઈન્ટરનેટ આપણે કયાં લઈ જશે!
