સ્પાઇસજેટની ફ્લાઈટમાં બોમ્બ હોવાની અફવા, બ્રિટિશ એરવેઝના ટ્રેઇની એજન્ટની ધરપકડ

ભારતીય એરલાઈન કંપની સ્પાઈસ જેટની ફ્લાઈટમાં બોમ્બ હોવાની અફવા ફેલાઈ હતી. આ કેસમાં બ્રિટિશ એરવેઝના ટ્રેઇની ટિકિટિંગ એજન્ટની ધરપકડ કરવામાં આવી છે. તેણે 12 જાન્યુઆરી એટલે કે ગઈ કાલે ગુરુવારે સ્પાઈસ જેટના કોલ સેન્ટર પર ફોન કરીને કહ્યું કે સ્પાઈસ જેટની ફ્લાઈટમાં બોમ્બ છે. આ મામલે સ્પાઈસ જેટનું નિવેદન આવ્યું છે. સ્પાઇસજેટના પ્રવક્તાએ જણાવ્યું હતું કે, “બૉમ્બ કૉલની સુરક્ષા અધિકારીઓ દ્વારા સંપૂર્ણ તપાસ કરવામાં આવી હતી, તેમને કંઈપણ શંકાસ્પદ મળ્યું ન હતું. આ કૉલને પાછળથી નકલી જાહેર કરવામાં આવ્યો હતો.

ફ્લાઈટમાં બોમ્બની અફવા ફેલાવવા બદલ એજન્ટની ધરપકડ

કોલ કરનારને શોધવા માટે દિલ્હી પોલીસે એક વિશેષ ટીમ બનાવી હતી. કેસની વિગતો આપતા, IGI એરપોર્ટના DCP રવિ કુમાર સિંહે જણાવ્યું હતું કે બ્રિટિશ એરવેઝના ટ્રેઇની ટિકિટ એજન્ટ અભિનવ પ્રકાશની ગઈકાલે દિલ્હીના IGI એરપોર્ટના સ્પાઈસજેટ કોલ સેન્ટરમાં ખોટા બોમ્બ કોલ કરવા બદલ ધરપકડ કરવામાં આવી છે. આરોપી અભિનવની તસવીર સામે આવી છે.

https://twitter.com/ANI/status/1613544535120048128

ગર્લફ્રેન્ડની ફ્લાઇટમાં વિલંબ થવાની અફવાઓ ફેલાઈ હતી

ડીસીપીના જણાવ્યા મુજબ, આરોપી અભિનવે ખુલાસો કર્યો હતો કે તેના મિત્રો રાકેશ અને કુણાલ મનાલી રોડ ટ્રીપ પર ગયા હતા અને બે છોકરીઓ સાથે મિત્રતા કરી હતી. તે યુવતીઓ સ્પાઈસ જેટની ફ્લાઈટથી પુણે જઈ રહી હતી. અભિનવના મિત્રોએ અભિનવને કહ્યું કે તેણે કોઈક રીતે દિલ્હીથી ફ્લાઈટના વિલંબ માટે પ્લાન બનાવવો જોઈએ. આ રીતે ત્રણેય યુવકોએ સ્પાઈસ જેટ એરલાઈન્સના કોલ સેન્ટરમાં બોમ્બ હોવાની ખોટી માહિતી આપી હતી. જેના કારણે એરલાઇન્સના કર્મચારીઓમાં ખળભળાટ મચી ગયો હતો. જોકે, અભિનવ પોલીસ કસ્ટડીમાં છે. જ્યારે કુણાલ અને રાકેશ ફરાર છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]