નવી દિલ્હીઃ કેન્દ્ર સરકાર સંચાલિત પેટ્રોલિયમ અને ઓઈલ માર્કેટિંગ કંપનીઓએ વ્યાપારી વપરાશ માટેના 19 કિલોગ્રામ વજનના રાંધણગેસ (એલપીજી) સિલિન્ડરોની કિંમતમાં રૂ. 171.50નો ઘટાડો કર્યો છે. નવો ભાવ આજથી અમલમાં આવી ગયો છે.
આ ઘટાડાને પગલે મુંબઈમાં 19 કિ.ગ્રા.નું કમર્શિયલ એલપીજી સિલિન્ડર હવે રૂ. 1,808ની કિંમતમાં મળશે, જે ગઈ કાલ સુધી રૂ. 1,980 હતી. કંપનીઓએ ગયા મહિને પણ આ એલપીજી સિલિન્ડરની કિંમતમાં રૂ. 91.50નો ઘટાડો કર્યો હતો.
