નવી દિલ્હીઃ યંદ્રયાન-3 મિશનની ઊલટી ગણતરી શરૂ થઈ ચૂકી છે. બપોરે 2.35 કલાકે એને શ્રીહરિકોટાથી લોન્ચ કરવામાં આવશે. ચંદ્રયાન-3 મિશન માત્ર પર ભારત જ નહીં વિશ્વની નજર છે. ચંદ્રયાન-3 ચંદ્રની સપાટી પર ઊતરતાં જ ભારત વિશ્વનો આવું કરવાવાળો ચોથો દેશ હશે.
ચંદ્રયાન-3 મિશન દ્વારા ઇસરો ચંદ્રના દક્ષિણી ધ્રુવ પર ઊતરવાના પ્રયાસ કરશે. આ મિશન દ્વારા ચંદ્રની સપાટી પરના રસાયણો અને ભૌગોલિક માહિતી એકત્ર કરશે. આ મિશન દ્વારા પૃથ્વીની ઉત્ત્પત્તિ પણ માલૂમ કરી શકાશે. ચંદ્રયાન-3 લાગેલા રોવર દ્વારા અનેક માહિતી એકઠી કરવામાં આવશે.
LVM3 M4/Chandrayaan-3 Mission:
The countdown leading to the launch tomorrow at 14:35:17 Hrs. IST has commenced.Curtain raiser: https://t.co/xn4nRucAMn
— ISRO (@isro) July 13, 2023
ઇસરોના વૈજ્ઞાનિકોએ આશા વ્યક્ત કરી હતી કે લેંડર અને રોવર એક લૂનર ડે સુધી કામ કરશે. લૂનર પૃથ્વી 14 દિવસ બરાબર હોય છે. ચંદ્રયાન-રને LVM-3 રોકેટ લોન્ચર લઈને જશે. આ રોકેટ લોન્ચરને બાહુબલી રોકેટ લોન્ચર પણ કહેવામાં આવે છે. એણે અત્યાર સુધી બધાં મિશનને સફળતાપૂર્વક પૂરાં કર્યાં છે. ચંદ્રયાન-2ને પણ આ રોકેટથી લોન્ચ કરવામાં આવ્યું હતું. ચંદ્રયાન-3માં કુલ છ પેલોડ્સ લાગેલાં છે. પેલોડ્સ મતલબ એવાં યંત્ર જે ચંદ્રમા પર તપાસ કરી શકે. લેન્ડરમાં રંભા એલપી ચાસ્તે અને ILSA લાગેલાં છે. જ્યારે રોવરમાં APXS અને LIBS પેલોડ લાગેલાં છે.
આ પૂરું મિશન 45થી 50 દિવસનું હશે. ઇસરોના પ્રમુખ સિવને જણાવ્યું હતું કે જો મિશન યોજના હેઠળ ચાલશે તો 23-24 ઓગસ્ટે લેન્ડર અને રોવરને ચંદ્રની સપાટી પર ઉતારવાના પ્રયાસ કરવામાં આવશે, પણ જો કોઈ કારણથી લેન્ડિંગમાં મુશ્કેલીઓ થશે તો સપ્ટેમ્બરમાં ફરીથી લેન્ડ કરવાના પ્રયાસ કરવામાં આવશે.
તેમણે જણાવ્યું હતું કે આ વખતે મને આશા છે કે અમે ચંદ્રયાન-2થી સબક લેતાં નાની-મોટી ભૂલોને દૂર કરી છે. એટલે અમને વિશ્વાસ છે કે આ વખતે અમે ચંદ્રની સપાટી પર સફળતાથી ઊતરીશું.
