નવ વર્ષની ઉજવણી પહેલા, સમગ્ર દેશમાં ઠંડીનો કહેર યથાવત છે. ઉત્તર ભારતમાં પર્વતીય વિસ્તારોમાં ભારે હિમવર્ષા થઈ રહી છે, જ્યારે મેદાની રાજ્યોમાં વરસાદ પડી રહ્યો છે. આ બદલાતા હવામાનને કારણે લોકો કડકડતી ઠંડીનો સામનો કરી રહ્યા છે. ખાસ કરીને ઠંડી, કોલ્ડવેવ બાદ વરસાદે ઠંડીમાં વધારો કરી દીધો છે. ગાઢ ધુમ્મસના કારણે ઠંડીનો પ્રકોપ વધુ ગંભીર બન્યો છે. કાશ્મીર, હિમાચલ સહિત ઉત્તરાખંડના કેટલાક વિસ્તારમાં હિમવર્ષા પણ જોવા મળી છે. આ ઉપરાંત મનાલીમાં હિમાવર્ષા ટ્રાફિક જામનું કારણ બન્યું છે. ઉત્તરાખંડના ઉત્તરકાશી જિલ્લામાં ગંગોત્રીધામ બરફ પડવાને કારણ બંધ રાખવાની ફરજ પડી છે. સૂત્રોના જણાવ્યા પ્રમાણે શિમલા પણ બરફની ચાદરો ફેલાય ગઈ હોવાના દ્રશ્યો જોવા મળી રહ્યા છે.
ઉલ્લેખનીય છે કે ભાર હિમ વર્ષાને પલગે પ્રાવસીઓમાં આનંદનો માહોલ જોવા મળી રહ્યો છે. આ સમયે હિમવર્ષાને કારણે શિમલા વિન્ટર વન્ડરલેન્ડ બની ગયું છે. રસ્તાઓ પર બરફ જમા થઈ રહ્યો છે. હવામાન વિભાગના જણાવ્યા અનુસાર આગામી ત્રણ-ચાર દિવસ સુધી ઉત્તર-પશ્ચિમ તરફથી આવતા બર્ફીલા પવનોને કારણે ઉત્તર ભારતમાં હિમવર્ષા, વરસાદ અને શીત લહેર થવાની સંભાવના છે. જેના કારણે સમગ્ર દેશમાં ઠંડી વધી રહી છે. મનાલી, કુલ્લુ, રોહતાંગ અને અન્ય ઘણા વિસ્તારોમાં ભારે હિમવર્ષાથી સંકટ વધી ગયું છે પરંતુ પ્રવાસીઓની ભીડ વધી છે. લગભગ 1000 વાહનો અટલ ટનલ પર ફસાયા હતા તેમને દૂર કરવા માટે રેસ્ક્યુ ઓપરેશન હાથ ધરવામાં આવ્યું હતું. હિમાચલ પ્રદેશમાં હિમવર્ષાને કારણે છેલ્લા 24 કલાકમાં 174 રાજ્ય અને 3 રાષ્ટ્રીય ધોરીમાર્ગો (NH 03, NH 305, NH 505) બંધ કરવામાં આવ્યા છે. 6 જિલ્લામાં 683 સ્થળોએ વીજળી ખોરવાઈ ગઈ છે. હિમવર્ષાને કારણે જાહેર સેવાઓ ખોરવાઈ ગઈ છે. ઉત્તરાખંડમાં પણ ઊંચાઈવાળા વિસ્તારોમાં હિમવર્ષા થઈ છે. અત્રે ઉલ્લેખનીય છે કે હવામાન વિભાગ તરફથી પણ ઘણા વિસ્તારોમાં એલર્ટ આપવામાં આવ્યું છે. આ ઉપરાંત કાશ્મીરનું તાપમાન સતત ઘટાડો નોંધાય રહ્યો છે. હાલમાં રવિવારે રાત્રે શ્રીનગરમાં માઈનસ 3.6 ડિગ્રી તાપમાન નોંધાયું હતું. જ્યારે પહેલગામમાં તાપમાન માઈનસ 5 ડિગ્રી રહ્યું હતું. હવામાન વિભાગના જણાવ્યા અનુસાર બુધવાર સુધી તાપમાનમાં વધુ ઘટાડો આવવાની શક્યતા છે. આવું થવા પાછળનું હવામાન વિભાગે વેસ્ટર્ન ડિસ્ટર્બન્સને જવાબદાર ગણાવ્યું હતું.
