ગુજરાતમાં હવે ફ્લાઇંગ કાર બનશે

ગાંધીનગરઃ હવે ભારતમાં તમને ફ્લાઇંગ કારની મજા મળી શકે છે. ચાલતી કાર ત્રણ મિનિટમાં દોડતી ઊડતી કારમાં ફેરવાઈ જશે. શહેરોમાં ભારે ટ્રાફિકમાં ફસાઈ જવા પર તમે કહેતા હો છો કે કોઈ ફ્લાઇંગ કાર હોત તો અમે ઊડીને નીકળી ગયા હોત. પરંતુ આ સપનું હવે જલદી પૂરું થઈ શકશે. નેધરલેન્ડની Pal-V (પર્સનલ એર લેન્ડ વેહિકલ) ટૂંક સમયમાં ગુજરાતમાં પ્લાન્ટ સ્થાપશે. Pal-Vના વાઇલ પ્રેસિડન્ટ કાર્લો માસબોમિલે અને ગુજરાતના મુખ્ય સચિવ એમ. કે. દાસની વચ્ચે MOU પર હસ્તાક્ષર થઈ ચૂક્યા છે.

કારની કિંમત રૂ. 3.5 કરોડથી રૂ. ચાર કરોડ

નેધરલેન્ડની ફ્લાઇંગ કાર બનાવતી કંપની Pal-V નજીકના ભવિષ્યમાં ગુજરાતમાં પ્લાન્ટ સ્થાપશે. આ ગાડીને તમને ટ્રાફિકમાંથી કાઢવી હશે તો કાઢી શકાશે, પણ  ટ્રાફિકથી કાઢવા માટે તમને માત્ર 30x 30 ફૂટની ખુલ્લી જગ્યા જોઈશે. આ કારની કિંમત રૂ. 3.5 કરોડથી રૂ. ચાર કરોડ હશે.  

MOU પર હસ્તાક્ષર

Pal-Vના વાઇલ પ્રેસિડન્ટ કાર્લો માસબોમિલે અને ગુજરાતના મુખ્ય સચિવ એમ. કે. દાસની વચ્ચે MOU પર હસ્તાક્ષર થઈ ચૂક્યા છે. કંપનીના સત્તાવાર નિવેદન મુજબ રાજ્ય સરકાર Pal-Vને પ્લાન્ટ સ્થાપવા માટે દરેક પ્રકારની મંજૂરી મળવામાં મદદ કરી રહી છે.

ચાલતી કાર ત્રણ મિનિટમાં દોડતી ઊડતી કારમાં તબદિલ

Pal-Vના ઇન્ટરનેશનલ બિઝનેસ વાઇસ પ્રેસિડન્ટ કાર્લો માસબોમિલેએ જણાવ્યું હતું કે ચાલતી કાર ત્રણ મિનિટમાં દોડતી ઊડતી કારમાં તબદિલ થઈ જશે. જ્યારે એ લેન્ડ કરશે, ત્યારે એનું એક એન્જિન કામ કરશે, જેની સ્પીડ 160 કિમી પ્રતિ કલાક રહેશે.

રૂ. 10,000 કરોડનું મૂડીરોકાણ

Pal-V ભારતમાં ઓટો અથવા એવિયેશનથી જોડાયેલી મોટી કંપનીઓની સાથે ભાગીદારી કરવા ઇચ્છે છે અને ગુજરાતમાં આશરે રૂ. 10,000 કરોડનું મૂડીરોકાણ કરીને પ્લાન્ટ સ્થાપવા ઇચ્છે છે. સમયમર્યાદા તો કહેવી મુશ્કેલ છે પણ ભવિષ્યમાં દેશના રસ્તાઓ પર ફ્લાઇંગ કાર એક હકીકત હશે.

 

 

 

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]