કોરોનાના કેસોની સંખ્યા 14 લાખને પારઃ 69 દિવસમાં 13 લાખ કેસ

નવી દિલ્હીઃ દેશમાં કોરોના વાઇરસના સંક્રમણના કેસોમાં ઝડપથી વધારો થઈ રહ્યો છે. આરોગ્ય મંત્રાલયે જારી કરેલા આંકડા મુજબ પાછલા 24 કલાકમાં 49,931 નવા કેસ સામે આવ્યા છે અને 708 લોકોનાં મોત થયાં છે. દેશમાં કોરોના સંક્રમિતોની સંખ્યા 14 લાખને પાર થઈ છે. દેશમાં આ વાઇરસથી અત્યાર સુધી કુલ 14,35,453 લોકો સંક્રમિત થઈ ચૂક્યા છે અને અત્યાર સુધી 32,771 લોકોનાં મોત થયાં છે. જોકે આ ખતરનાક બીમારીને 9,17,567 લોકો માત આપી ચૂક્યા છે. જ્યારે હાલ આ વાઇરસના સંક્રમિત સક્રિય લોકોની સંખ્યા 4,85,114એ પહોંચી છે. રિકવરી રેટ 64 ટકાની નજીક પહોંચ્યો છે.

 એક લાખ કેસ 110 દિવસોમાં અને 179 દિવસોમાં 14 લાખને પાર

 

દેશમાં કોરોના વાઇરસની સ્થિતિ ગંભીર બની રહી છે, એ એ વાતથી સમજી શકાય છે કે દેશમાં એક લાખ સંક્રમિતોની સંખ્યાએ પહોંચતાં 110 દિવસ લાગ્યા હતા, જ્યારે 179 દિવસોમાં એ આંકડો 14 લાખને પાર થઈ ગયો છે. એટલે કે પાછલા 69 દિવસોમાં દેશમાં આશરે 13 લાખ નવા સંક્રમિત કેસો નોંધાયા છે.

કોરોના ટેસ્ટિંગમાં તેજી

હવે કોરોના ટેસ્ટની સંખ્યામાં તેજી જોવા મળી છે. ICMRના આંકડા અનુસાર 26 જુલાઈએ 5,15,472 લોકોના ટેસ્ટ કરવામાં આવ્યા હતા. અત્યાર સુધી 1,68,06,803 લોકોના ટેસ્ટ કરવામાં આવી ચૂક્યા છે.

 

દેશમાં કોરોના કેસોની રાજ્યવાર માહિતી નીચે મુજબ છે.

 

 

 

 

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]