નવી દિલ્હીઃ અમેરિકા સ્થિત યુનાઇટેડ એરલાઇન્સ પર કેસ કરીને ભેદભાવ કરવાનો આરોપ લગાવવામાં આવ્યો છે. એરલાઇન્સની ફ્લાઇટ એટેડન્ટે દાવો કર્યો હતો કે તેમની સાથે રંગરૂપને લઈનેઈ ભેદભાવ કરવામાં આવ્યો છે. લોસ એન્જલ્સ ડોઝર્સ બેઝબોલ ટીમને સર્વિસ આપતી ચાર્ટર ફ્લાઇટ્સમાં કેટલાંક યુવા અને સારા દેખાવવાળાં ગ્રુપોને ફ્લાઇટ એટેન્ડટને પ્રાથમિકતા આપવામાં આવે છે. આ એટેન્ડેટોએ દાવો કર્યો હતો કે પાતળી, ગોરી મહિલાઓને કામ પર રાખવામાં આવે છે.
50 વર્ષીય ડોન ટોડ અને 44 વર્ષીય ડાર્બી ક્યુજાદાએ યુનાઇટેડ એરલાઇન્સ પર કેસ કર્યો છે. તેમણે દાવો કર્યો હતો કે તેમનું અપમાન કરીને તેમને ફ્લાઇટ્સમાંથી બહાર કરી દેવામાં આવી છે, જ્યારે મહિલાઓ સહ કર્મચારીઓને કામ પર રાખી લેવામાં આવી હતી, કેમ કે તે પાતળી અને નાની વયની હતી. 25 ઓક્ટોબરે લોસ એન્જલ્સ કાઉન્ટી સુપિરિયર કોર્ટમાં કેસ કરવામાં આવ્યો હતો. બંને મહિલાઓએ યુનાઇટેડની ચાર્ટર ફ્લાઇટ્સમાં ભેદભાવ થતો હોવાનો આરોપ લગાવ્યો હતો.
આ કેસની વિગતો મુજબ આ બંને –ટોડ અને ક્યુજાદાએ યુનાઇટેડ માટે 15 વર્ષથી વધુ સમય સુધી કામ કર્યું છે.તેઓ ડોજર્સની ફ્લાઇટમાં કામ કરવા ઇચ્છે છે અને એના માટે તેમણે એરલાઇનમાં એક દાયકાથી વધુ સમય સુધી કામ કર્યું છે, કેમ કે ડોજર્સ એ લોકોને જ કામ પર રાખે છે, જેમને લાંબા સમયનો અનુભવ હોય. સામાન્ય કરતા આ પ્રકારની ફ્લાઇટ્સમાં ત્રણ ગણા વધુ રૂપિયા મળે છે.
