વોશિંગ્ટનઃ અમેરિકાના એરપોર્ટ પર એક પેસેન્જર બેગમાંથી મિસાઈલ લોન્ચર મળી આવ્યું છે. મૈરીલેન્ડના બાલ્ટીમોર એરપોર્ટ પર સુરક્ષા અધિકારીઓને પેસેન્જરના ચેક્ડ-ઈન બેગમાંથી આ લોન્ચર મળ્યું છે. પેસેન્જરે કહ્યું કે મને આ ગિફ્ટમાં મળ્યું છે. 
પ્રાપ્ત વિગતો અનુસાર તેઓ મિલિટરીમાં કામ કરે છે અને કુવૈતથી તે પાછો આવી રહ્યો હતો. ખાસ વાત એ છે કે આ વ્યક્તિ લોન્ચર સાથે જ એક ફ્લાઈટથી બાલ્ટીમોર પહોંચ્યો હતો. ત્યારે સોશિયલ મીડિયા પણ ઘણા લોકોએ આ ઘટના પર સવાલો ઉઠાવ્યા છે. 
કેટલાક લોકોએ લખ્યું છે કે તેમને લાગ્યું કે આ અમેરિકા છે અને અહીંયા સુરક્ષા મજબૂત હશે. પરંતુ આખરે આ વ્યક્તિ લોન્ચર લઈને એરપોર્ટ પર કેવી રીતે આવી ગયો. 
અમેરિકાના કોમર્શિયલ વિમાનોમાં મિલિટ્રી સાથે જોડાયેલા હથિયારોને લઈ જવાની મંજૂરી નથી. આના કારણે સંબંધિત વ્યક્તિને લોન્ચર લઈ જવાની મંજૂરી ન મળી, પરંતુ તેને ફ્લાઈટથી ટ્રાવેલ કરવા દેવામાં આવ્યું.
કેટલાક યૂઝર્સે સવાલ કર્યો છે કે અમેરિકા જતા પહેલા આ લોન્ચર ઘણા એરપોર્ટની સુરક્ષા તપાસને સફળતાપૂર્વક પાર કેવી રીતે કરી ગયું? એક અન્ય વ્યક્તિએ લખ્યું કે આ વ્યક્તિના ઘરમાં આવી બીજી ગીફ્ટ્સ તો નથી રાખીને?
