એથેન્સઃ ગ્રીક ઓલિમ્પિક શૂટિંગ ચેમ્પિયન એન્ના કોરાકારી ઓલિમ્પિક મશાલ રિલે કરનારી સૌ પ્રથમ મહિલા બનશે એમ હેલેનિક ઓલિમ્પિક કમિટી (એચઓસી)એ જાહેર કર્યું હતું. કમિટીએ નિર્ણય લીધો હતો કે પશ્ચિમ ગ્રીસના પ્રાચીન ઓલિમ્પિયામાં 12 માર્ચે ટોક્યો ઓલિમ્પિક રમતોત્સવના ઓલિમ્પિક ફ્લેમ લાઇટનિંગ સેરેમનીમાં કોરાકારી પહેલી ટોર્ચ બેરિયર (મશાલ લઈ જનારી) બનશે, એમ જિન્હુઆન્યૂઝ એજન્સીએ અહેવાલમાં જણાવ્યું હતું. આ ઓલિમ્પિક જ્યોતને ગ્રીક હાઇ પ્રીસ્ટેસમાં મહત્ત્વનો રોલ અદા કરનારી ગ્રીક ફિલ્મની અભિનેત્રી ઝાંથી જ્યોર્જિયો દ્વારા કોરાકારીને આપવામાં આવશે, એમ એચઓસીએ ઈ-મેઇલ દ્વારા જણાવ્યું હતું.
ગ્રીકના પ્રાચીન સ્ટેડિયમમાં સૂર્યનાં કિરણો દ્વારા અને ધાર્મિક વિધિ સંપન્ન કરીને આ ઓલિમ્પિક ફ્લેમ પ્રગટાવવામાં આવશે. કોરારાકારીએ 2016ના રિયો ઓલિમ્પિક ગેમ્સમાં ગોલ્ડ અને બ્રોન્ઝ મેડલ જીત્યા હતા અને વર્ષ 2018માં તે વર્લ્ડ ચેમ્પિયન હતી. 
પેનાથેનિક સ્ટેડિયમમાં 19 માર્ચે ગ્રીક ટોર્ચબેરિયર આ ઓલિમ્પિક જ્યોત અન્ય મહિલા એથ્લીટ કેટરિના સ્ટેફેનિડીને સોપશે સ્ટેફિનિડીએ 2016ના ઓલિમ્પિકમાં પોલ વોલ્ટિંગમાં ગોલ્ડ મેડલ જીત્યો હતો.
