અમદાવાદઃ શાંતિ બિઝનેસ સ્કૂલના સિનિયર વિદ્યાર્થીઓએ નવી બેચ 2023-25નાં તમામ વિદ્યાર્થીઓ માટે અહીં ‘શહેર 23’ ફ્રેશર્સ પાર્ટીનું આયોજન કર્યું હતું. સિનિયર વિદ્યાર્થીઓએ વિવિધ પ્રવૃત્તિઓનું આયોજન કરીને તેમનાં જુનિયર વિદ્યાર્થીઓનું હૃદયપૂર્વક સ્વાગત કર્યું હતું. આ કાર્યક્રમનો થીમ હતો – ‘હેવનલી હાઈટ્સ એન્ડ હેલીશ ડિલાઈટ્સ’. વિદ્યાર્થીઓએ રેમ્પ વોક અને ડાન્સ પર્ફોર્મન્સ પણ આપ્યા હતા.
કાર્યક્રમને અંતે કરુણા નેભનાનીને ‘મિસ ફ્રેશર’ અને મનન સિદ્ધપુરિયાને ‘મિસ્ટર ફ્રેશર’નું ટાઇટલ આપવામાં આવ્યું હતું. કાર્યક્રમમાં 400થી વધુ વિદ્યાર્થીઓએ હાજરી આપી હતી.
શાંતિ બિઝનેસ સ્કૂલનાં ડાયરેક્ટર ડૉ. નેહા શર્માએ નવા શૈક્ષણિક વર્ષની વાઇબ્રન્ટ શરૂઆત પર ખુશી વ્યક્ત કરી હતી અને જણાવ્યું હતું કે, ‘ફ્રેશર્સ પાર્ટી એક ઉજવણી કરતાં વધુ છે. નવા વિદ્યાર્થીઓને SBS પરિવાર સાથે જોડતો એક સેતુ છે.’
