જેલમાં જ સાંભળવા મળશે રેડિયો પ્રિઝન…

અમદાવાદઃ સમગ્ર રાજ્યમાં પ્રથમ વખત એક નવતર પ્રયોગના ભાગરૂપે અમદાવાદ સાબરમતી મધ્યસ્થ જેલમાં બંદીવાન ભાઈઓને જેલમાં મનોરંજન મળી રહે તેમ જ તેઓ જેલના બંધ વાતાવરણમાં માનસિક તણાવથી દૂર રહી શકે એ માટે ગુજરાત જેલ વિભાગ દ્વારા બંદીવાનો માટે અને તેમના દ્વારા જ સંચાલિત ‘’રેડિયો પ્રિઝન’’ સ્ટેશનની શરૂઆત આવતી કાલથી કરવામાં આવશે, જેનો હેતુ જેલમાં રહેલા બંદીવાનોને તેના દ્વારા ઉપયોગી શૈક્ષણિક, કાયદાકીય અને સ્વાસ્થ્ય સંબંધી માહિતી જેલમાંથી જ મળી શકે અને બંદીવાન ભાઈઓ તેનો મહત્તમ લાભ લઈ શકે.

આ ઉપરાંત જેલના સ્ટાફ, અધિકારીઓ, કર્મચારીઓ તેમજ તેઓના પરિવારજનોને પ્રાથમિક સારવાર ત્વરિત મળી રહે તે માટે જેલ સ્ટાફ લાઇન ખાતે નવનિર્માણ ‘સ્ટાફ ડિસ્પેન્સરી’ નું ઉદઘાટન આવતી કાલે ગાંધી જયંતી નિમિત્તે અધિક પોલીસ મહાનિર્દેશક અને નાયબ પોલીસ મહાનિરીક્ષક જેલના હસ્તે કરવામાં આવશે.

ઉપરોકત બંને કાર્યક્રમો અમદાવાદ મધ્યસ્થ જેલમાં ૨ ઓક્ટોબર ૨૦૨૦એ સવારે ૮.૩૦ કલાકે યોજાનાર છે, એમ અમદાવાદ મધ્યસ્થ જેલ તરફથી જણાવવામાં આવ્યું છે.

 

 

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]