ગુજરાતના દરિયાકાંઠે ડ્રગ્સની હેરફેરનો મોટો કેસ ઝડપાયો છે. ભારતીય કોસ્ટ ગાર્ડ (ICG) અને ગુજરાત એન્ટી ટેરરિસ્ટ સ્ક્વોડ (ATS)ની સંયુક્ત કાર્યવાહીમાં અરબી સમુદ્રમાં 1800 કરોડ રૂપિયાની કિંમતનું ડ્રગ્સ ભરેલી બોટ જપ્ત કરવામાં આવી. આ ઓપરેશનમાં 300 કિલોગ્રામ મેફેડ્રોન (MD) ડ્રગ્સ મળી આવ્યું, જેની આંતરરાષ્ટ્રીય બજારમાં મોટી માંગ છે.
ગુપ્ત માહિતીના આધારે 13 એપ્રિલની મોડી રાત્રે શરૂ થયેલા આ ઓપરેશનમાં ICGએ જહાજો અને વિમાનો તૈનાત કર્યા હતા. ગુજરાત અને મહારાષ્ટ્ર વચ્ચેના દરિયાઈ વિસ્તારમાં આંતરરાષ્ટ્રીય દરિયાઈ સીમા રેખા (IMBL) નજીક શંકાસ્પદ બોટને ઘેરી લેવામાં આવી. કોસ્ટ ગાર્ડની સ્પીડ બોટ અને જહાજોએ ઝડપી કાર્યવાહી કરી બોટને કબજે કરી.
@IndiaCoastGuard, in a joint operation with #Gujarat #ATS on the night of 12-13 Apr 25, seized 300 Kg narcotics worth Rs 1800 Cr off #IMBL near #Gujarat coast. On spotting #ICG ship, smugglers dumped contraband & fled across #IMBL. Consignment recovered at sea & handed to #ATS… pic.twitter.com/sxy7CG89Vq
— Indian Coast Guard (@IndiaCoastGuard) April 14, 2025
આ કાર્યવાહી દરમિયાન બોટમાં સંડોવાયેલા કેટલાક શખ્સોની પણ ધરપકડ કરાઈ હોવાનું સૂત્રો જણાવે છે. આ ઘટનાએ ગુજરાતના દરિયાકાંઠે ડ્રગ્સની દાણચોરીના વધતા જોખમો ઉજાગર કર્યા છે. તપાસ એજન્સીઓ હવે આ નેટવર્કના મૂળ સુધી પહોંચવા માટે વધુ તપાસ કરી રહી છે.
